ماجدة خيرلله عن مسلسل” سيب وانا سيب”:” سخيف والابطال بيشربوا حشيش وتمثيل هنا الزاهد متكرر”

متابعة/ حسانة سليم

عبّرت الناقدة الفنية ماجدة خير الله، خلال مداخلة هاتفية مع برنامج “تفاصيل”، الذي تقدّمه الإعلامية نهال طايل عبر قناة “صدى البلد 2” عن استيائها الشديد من مسلسل “سيب وأنا أسيب”، الذي يُعرض حالياً على منصة شاهد الرقمية، موضحة أن ما أزعجها هو الشتائم المبالَغ فيها وأداء النجمة هنا الزاهد المتكرر..وقالت خير الله: “اللي ضايقني في مسلسل “سيب وأنا أسيب” حاجتين… الحاجة الأولى هي تكرار الشتائم… الناس بتشتم بعضها في المسلسل كأنه هزار وده شي منبوذ جداً كنوع من أنواع خفّة الدم وده بيحصل طول الوقت في المسلسل. والحاجة التانية هو ظهور هنا الزاهد بنفس الأداء في كل مرة،أنا مقدرش أقول ده نص مكتوب ولا اجتهاد من الممثلين ولو كان اجتهاد من الممثلين فين المخرج وائل إحسان من اللي بيحصل ده؟ رنا أبو الريش عملت مسلسل قبل كده والناس كلها أشادت بيه وهي قالت أنا مكتبتش الكلام ده ودي مشكلة تانية… في جنوح بتصرفات الأبطال في المسلسل ومستوى الحوار متدني وإدّعاء خفّة الظل ودي حاجات خلّتني اتكلّم عن اللي بيحصل… كلام سخيف مينفعش يتقال من ممثلة أو حتى راجل”..وأكدت خير الله أن الجرأة يجب أن تكون في الفكرة نفسها وليس في العمل، وأنها ضد الكلام السخيف في أي عمل فني، حيث قالت: “هنا الزاهد محتاجه تاخد ورش تمثيل لأن أداءها كله شبه بعض حتى لما بتطلع في البرامج طريقة كلامها هي نفسها… هي محتاجه تفهم الشخصية وأبعادها الحاجات اللي مفروض أي فنان يعرفها”..وأشارت إلى أن النجمة منى زكي امتهنت التمثيل قبل هنا الزاهد بـ20 عاماً، ورغم أنها من أهم نجمات مصر لكنها تسافر إلى أميركا لكي تشارك في ورش تمثيل وتتابع أفلاماً وتعمل دائماً على تطوير أدائها. . وأكدت ماجدة خير الله أن مسلسل “سيب وأنا أسيب” سخيف وفيه تدنٍّ بمستوى الحوار وادّعاء خفّة الظل، قائلةً: “كلام سخيف ميصحش ينفع يتقال على لسان فتاة وده غير لائق وبعدين طول الوقت الأبطال بيشربوا حشيش كأنه مبرر لتلك السخافات