أرملة طليق بوسي:” قتلته قهراً وسرقته ودبجته واخته نهشت لحمه”

متابعة/ حسانة سليم

كشفت أرملة وليد فطين  طليف المطربة بوسي تفاصيل جديدة في خلافات زوجها مع الأولى، مؤكدة أن المطربة هي من تسببت في وفاته بعد سرقته وتهديده بالسلاح.. وقالت أرملة طليق المطربة بوسي، في تصريحات صحفية إن زوجها وليد فطين طليق المطربة بوسي، تعرض للظلم، مشيرةً إلى أن الأخيرة سرقت منه مبلغا يقدر بـ 30 مليون جنيه، موضحة:” وليد ظُلم أشد ظلم، أولاده اتحرمه منه، وأنا اتحرمت منه، منقدرش نعيش من غيره في الدنيا، أطفال صغيرة شافوا أبوهم بيموت بسبب قهر وظلم، بوسي قتلته قهر وظلم، وأخته كمان قتلته قهر وظلم”..و أكدت أرملة طليق المطربة بوسي، أن الأخيرة وضعت لزوجها مواد مخدرة وأسلحة في غرفة نومه حتى تقضي على مستقبله، متابعة:” أخته نصبت عليه في 2 مليون جنيه، وقالتله ملكش حاجة عندي واللي تعرف تعمله اعمله، وبوسي هي اللي حطلته في غرفة النوم مخدرات وسلاح عشان ميعرفش يقف قصادها، وكانت بتاخده وبتبهدل فيه وتعذبه. رافعين قضية نصب على أخت وليد وجوزها، وعارفه أن ربنا مش هيسيب حقه، مراته دبحته وأخته نهشت في لحمه وقالتله أنت ميت واللي عندك اعمله”..وبشأن تصريحات بوسي الأخيرة، والتي قالت فيها إن طليقها وليد فطين كان يعذبها ويسحلها ويضربها، أشارت زوجة وليد فطين، إلى أن بوسي هي من عذبته ودبرت لسرقته وليس العكس، قائلة: “فطين مشوفتش منه غير كل خير، ويا رب يجعل مثواه الجنة في كل اللي عمله معايا..آخر كلمة قالهالي أنا عايز حقي وحق أولادي وعايز أتفاوض مع المحامين بتوع بوسي، بس زوج بوسي راح لوليد ومعاه رجالة وسلاح وهددوه، وفطين كان له 30 مليون جنيه بس اتفقنا إننا هناخد 8 مليون بس، وبعدها سرقوا منه الشيكات تحت تهديد السلاح، ودي الحقيقة ومحدش يعرفها أنا مراته وعارفه بقول ايه.. مشوفتش من فطين إلا كل خير ودي شهادة مني قدام ربنا، وكان كويس مع كل الناس، وبوسي طلعت وأتكلمت وقالت إنه كان بيضربها بس أنا عمري ما شوفت منه إلا الخير كله.. بوسي حطتله سلاح في بيته وشهرت بيه وقالت أنه بتاع ستات، وربنا هيجبله حقه، حسبي الله ونعم الوكيل فيكي يا بوسي”