“بيحب واحدة تانية وبيضحك عليكي”.. رسالة لزوجة حسن شاكوش

متابعة/ حسانة سليم

كشف مطرب المهرجانات حسن شاكوش عن تلقي زوجته ريم لرسالة كيدية من أحد الأشخاص في اليوم الثاني من زفافهما من أجل إحداث وقيعة وخلافا بينها وبين زوجها .. وقال في لقائه مع الإعلامية بسمة وهبه في برنامجها “ العرافة ” متحدثا عن نص الرسالة: “يوم الفرح روحنا البيت، تاني يوم رسالة كده مبعوتة يا ريم انتي صعبانة عليا علشان حسن بيحب واحدة تانية وهيتجوزها وهو مفهم التانية دي إن الفرح ده كله فيلم، معقولة أنا هصرف المصاريف دي كلها ورايح واخد واحدة من أهلها وجايب أهلي وكل النجوم دي علشان خاطر أعمل بروباجندا، طب ما أنا وأنا قاعد في البيت وعايز أعمل بروباجندا هعملها من غير ما اصرف المصاريف دي كلها واوفرها أنا أولى بيها، زوجتي ريم متفهمة جدا وقريبة من ربنا، مبتاخدش كل حاجة بعصبية وبخناق ومبتحبش الصوت العالي، وجت قالتلي وهي عارفة طبعي لإنها بنت منطقتي، إن أنا مبحبش حد يكلمني في موضوع حتى وأنا غلطان بصوت عالي، أنا ضحكت وقولتلها يعني انتي مصدقة إن كل اللي أنا عملته ده والمصاريف دي كلها ورايح جايبك من أهلك واتخطبنا في شهر ومكملناش شهرين وكنتي في بيتي واتجوزنا، كل ده فيلم، طب ما لو فيلم اجيب أي واحدة من الشارع أو أي زميلة ليا ونعمل ده ومن غير المصاريف .. وطلبت منها بعد كده تقفل كل حساباتها على السوشيال ميديا، ووافقت لإن أي حاجة بقولها عليها بتوافق”