بالفيديو.. اخت طليق ياسمين عبد العزيز ترد وتهاجم والسبب؟

متابعة/ حسانة سليم

وجهت شقيقة رجل الأعمال محمد حلاوة، السيدة لمياء حلاوة رسالة إلى النجمة #ياسمين عبد العزيز.. وظهرت لمياء في فيديو نشره محمد حلاوة عبر حسابه على Instagram تعلق فيه على ما نشرته ياسمين عبد العزيز على صفحتها الشخصية على Facebook تعليقا على لقاء ريهام حجاج مع الإعلامية بوسى شلبى والذى تحدثت خلاله عن كواليس زواجها من رجل الأعمال محمد حلاوة .

وقالت: “أنا اسمي لمياء حلاوة أخت #محمد حلاوة، الحقيقة أنا شفت برنامج ريهام صاحبتي وأختي ومرات أخويا وكنت فرحانه بيه وشفت أنها قالت كلام محترم وكلام من قلبها، الحاجة اللي ضايقتني وأزعجتني ودي حاجة عائلية أني فوجئت من كام ساعة كلام يتقال على حرابيق وكلام ميصحش يتقال، يا جماعة إحنا بقالنا 3 سنين بنتحارب ونتهاجم ويتقال علينا كلام غلط وأحنا مبنردش علشان خاطر مصلحة ولادنا وعلشان ده اللي اتعلمناه في الدنيا أن احنا نخاف على ولادنا بس الظاهر أن في ناس تانية مش فارق معاها الكلام ده احنا خلاص خرجناكي من حياتنا وقفلنا صفحتك ومش بس كده مبنفتكركيش وعاوزينك أنتي كمان تركزي في صفحتك وتنسينا وحاولي أن أنتي تكوني سعيدة لأن أحنا بقينا سعداء وأحنا بعيد عنك، يارب الكلام ده يوصلك لأن غير كده أنا أظن أنك هتبوظي الصفحة الجديدة بتاعتك هي كمان، ده اللي عاوزة أقولهولك وأقوله لمصلحة ولادك”.. وكانت ياسمين عبد العزيز، قد نشرت أكثر من منشور اعتبره البعض ردًا غير مباشر منها على تصريحات ريهام حجاج التي كشفت فيها عن تفاصيل زواجها من طليق ياسمين محمد حلاوة، وحملها منه.. علقت ياسمين عبد العزيز:“على الله حكايتكم ياجوز حرابيق.. تخيل أنا حارقلك دمك من غير ما أعملك حاجة، ما بالك بقى لو.. الصمت مش ضعف الصمت قوة“.