حلا شيحا بعد عودتها الى الحجاب:” الشيطان متعته وفرحته اننا نصدقه وباب ربنا مفتوح دايماً”

تصدرت الممثلة#حلا_شيحا، مؤشرات البحث عبر منصات التواصل الاجتماعي خلال الساعات القليلة الماضية، وذلك بعدما وجهت رسالة جديدة لمحبيها بعد #ارتداء _الحجاب، عبر الفيسبوك جاء فيها: «الحياة كلها اختبارات وابتلاءات، وكلنا بنحاول ونجاهد، بس أجمل الجهاد إننا نجاهد نفسنا أولاً وده أصعب أنواع الجهاد..باب ربنا دايماً مفتوح لينا، لحد لحظة قبل الموت، الحمد لله على نعمة الهداية، مهما نتوه، ربنا بيقبلنا لما نقعد بين إيده في لحظة صدق،وأصعب أنواع الجهاد، خصوصاً لما حد بيكون مشهور و عارف ان أبواب كتير مفتوحة انه يختار اللي عاوزه، بس يختار الأول رضا رب العالمين و أي حاجة تيجي بعدها، ده كان بالنسبة لي مش سهل ابداً، بس بالدعاء و تجرد النفس، والتواضع لله واوامره، ويعرف حقيقة الدنيا ومنقولش هو ينفع، هو ربنا ممكن يقبلني أيوة ممكن يقبلنا تاني و ثالث و كل مرة بنحاول بجد من قلبنا..إن الله لا يمل حتي تملوا، الشيطان متعته و فرحته اننا نصدقه و ينتصر علينا في جوله أو اتنين بس في الآخر لما نختار الصح، كل اللي بناه بينهدم في لحظة، وده حب لينا من ربنا، وعناية خاصة، باب ربنا دايما مفتوح لينا طول الوقت لحد لحظة قبل الموت.. ساعتها خلاص، الحمد لله علي نعمة الهداية، مهما نتوه في الدنيا بسبب احداث في حياتنا او ابتلاءات صعبة علينا، ونقعد بين ايد ربنا في لحظة صدق مع الله، يقبلنا على طول، الحمد لله دايما و ابداً، وربنا يصلح أحوالنا كلنا يارب، ومفيش أجمل من اننا نخلي حياتنا قريبة من ربنا».