مغني المهرجانات عنبة:” حسن شاكوش ومسلم بيكرهوني وماحدش بيلعب بحتتي”

حل #مغني _المهرجانات_عنبة_ ضيفاً _على_ برنامج_” أسرار _والذي تقدمه الإعلامية أميرة بدر على قناة  النهار، والذي صرح من خلاله بالعديد من التصريحات الهامة والمؤثرة في حياته الشخصية والفنية واحترافه لكرة القدم ودراسته وغير ذلك.تحدث عنبة عن قصة احترافه مع كرة القدم وإجراء اختبارات في النادي الأهلي، فقال  :” أنا كنت لعيب ودخلت اختبارات الأهلي، ونجحت في أول وثاني اختبار، وفي الاختبار الثالث المدرب قال ابن فلان مبروك، مشيت وقلت الكورة هتبقى هواية في حياتي، ولقيت إني مش عايز أنجح في حاجة فيها واسطة، مع إن أغلب لعيبة الكورة الحقيقيين بيطلعوا من الشارع.وعن دراسته، قال عنبة: “مجموعي في الإعدادية كان 96% وكان يدخلني ثانوي عام، لكن أنا عارف ظروف أهلي وقلت أدخل صنايع، وكان بيطردوني من الصنايع علشان مجموعي، دخلت مدرسة سياحة وفنادق علشان أقدم فيها وكانت بتاخد بكشف الهيئة، وفي واحدة كانت مسؤولة عن كشف الهيئة قالت لي إنت شكلك كويس وإحنا مش طالبين منك غير قميص وبنطلون وجزمة، مكانش معايا فلوس أجيب جزمة قالت هجيبهالك، أنا مش عارف اسمها إيه، وعمري ما هنسى جميلها، وقفت معايا علشان أكمل تعليمي، ونفسي أعوضها عن كل حاجة عملتها ليا.. معنديش صراعات في الوسط الفني وأنا بعمل مزيكا مختلفة وبنافس نفسي وبغير من نفسي وعايز ابقى أحسن من نفسي، ومحدش بيلعب في حتتي وأنا نمبر وان في المنطقة بتاعتي ومنطقتي بين الراب والمهرجانات اسمها تراب شعبي وأكتر اغنية عملتها وصلت لـ100 مليون مع أحمد سعد وعصام صاصا..ي ناس بتكرهني زي حسن شاكوش وعمري ما حسيت أنى مضايق منه في عز نجاحه ومش بسلم عليه عشان كل ما أقابل حد يقولي شاكوش بيتكلم عليك وحش وهو مضايق من أغنية مش شايف فيكم حد وفاكر إني أقصده، وكمان مسلم الناس بتقولي بيكرهك.”