ابراهيم سعيد هاجم احمد حلمي بسبب :” انت مصري؟ يعني معزوم!!”

شن #الإعلامي_ الرياضي _إبراهيم _سعيد_ هجوما _شديدا _على_ النجم_ أحمد_ حلمي، بعد انتشار فيديو لأحمد حلمي وهو يمازح الجمهور في مسرحية “بني آدم”، التي عرضت في #السعودية مؤخرا.وقال إبراهيم سعيد خلال تقديم برنامجه عبر قناة النهار: “الفيديوهات اللي نزلت والموضوع استفزني جدا واستفز كل الشعب المصري، أحد المصريين الموجودين في المسرح الفنان أحمد حلمي راح له وقال له أهلا وسهلا إنت منين بخفة الدم الظريقة، وكان معاه زوجته وقال له أنا مصري، رد عليه وقال صف أول؟ يبقى إنت أكيد معزوم،الفيديو اللي ظهر إهانة لكل المصريين، وأنا واحد من الناس لا أقبلها على أهلي ولا إخواتي ولا على بلدي، إحنا أكبر من كده؟ هل دي طريقة وأسلوب لممثل يتكلم مع واحد مصري من أهل بلده؟ المصريين طول عمرهم صف أول، وطول عمرنا في الفن إحنا الأول وفنانين عمالقة. هو علشان مبقاش في مصريين بيتفرجوا عليك؟ هو حتى استغرب إن في مصري موجود،ماينفعش تقل من أهل بلدك والناس اللي عملت اسمك وخلتك تظهر في أماكن عمرك ما كنت تتوقعها، واللي ملوش خير في بلده مصر وأهلها اللي عملوا شهرتك استحالة يكون له خير في أي بلد ثانية،”لما تتكلم على مصر والمصريين تقف انتباه وتتكلم باحترام وتعظيم سلام لبلدك، ولو قابلت حد من مصر تستقبله أحسن استقبال”.ومن ناحية أخرى، أشار عدد من مستخدمي موقع “إكس” إلى أن الشخص الذي خاطبه أحمد حلمي من الجمهور كان الملحن مصطفى جاد، الذي كان يجلس بجوار زوجته الفنانة كارمن سليمان، وقام أحمد حلمي بدعوتهما لحضور المسرحية.