اجلال زكي:” قالوا اني مُت وهذه سيئات الجواز المبكر؟”

كشفت الفنانة #إجلال_ زكي بطلة مسرحية “#سك _على _بناتك” أسباب غيابها عن الساحة الفنية منذ زمن بعيد.وقالت إجلال زكي، خلال لقائها مع الإعلامية ياسمين عز: “أنا موجودة في مصر واللي حصل إن النجوم اللي اشتغلت معاهم ابتدوا يكونوا مش موجودين، وطلعت ناس بصراحة بحبهم على الشاشة بس معرفش في التعامل هيبقوا إيه، هل هيبقوا زي ما بنحترم الناس القدام، ونديهم مكانتهم، ومكنش قاعده مستنية، حجات من دي بتخلي الواحد قاعد مش مبسوط..بقيت أغلب الوقت قاعدة في مرسى مطروح بحبها أوي، إلا لو حد كلمني وقال تعالي عندي كذا، باخد الورق أقرأه، لكن ملقتش الاهتمام إن لينا أدوارنا، وطلعوا عني إني مت”.(وتابعت):”أنا اتخطبت من وأنا صغيرة أوي، ووالدتي ست صعيدية، وأبويا تركي، وهي مكنتش عارفة تعمل معايا إيه لأن كنت بطنطط جوا الاستديوهات، والأبلة فضيلة كانت بتقول هتتجوز البت دي إزاي دي لسه عيلة، ولكن من أحلى الحاجات زوجي الله يرحمه وبنتي، وعندي حفيدة عندها 22 سنة..من سيئات الجواز البدري إن مش بتعيش حياتك، يعني كان بيجي معايا الجامعة، كاتم على نفسي، ولكن طبعا اتعلمت منه حجات كتيرة، وكان من وأنا طفلة بيكتب على الأطفال عند أبلة فضيلة”.