الموقع – مجلة الكترونية فنية شاملة elmaw2a3
انتشر بالساعات القليلة الماضية على السوشيل ميديا تسجيلًا صوتيًا بين #الفنانة_ التشكيلية_ شاليمار_ شربتلي و#الإعلامية_ بسمة _وهبة، حيث دارت بينهما مشادة كلامية بسبب #قضية _عمر _زهران..بدأت المكالمة بصوت بسمة وهبة، وهي تطلب من شاليمار أن تنسى ما صدر منها خلال الأيام الماضية، أو من أي شخص آخر وتسبب في مضايقتها..
حيث قالت بسمة: “عايزاكي تنسي كل اللي بيحصل اليومين اللي فاتوا مني، أو من أي حد يكون إنه ضايقك عشان مش عيزاكي تكوني مضايقة ولا شايلة مني، وأنا بتكلم معاكي دلوقتي”.
لتقاطعها شاليمار قائلة: “أنا عايزة أعرف بس مين إداكي رقم تليفوني، أنا رقمي مش عندك”، لتجيبها قائلة: “خدته من مهاب”.. وتابعت بسمة حديثها قائلة: “بصي يا شاليمار أنا وأنت لو قعدنا اتكلمنا عمر عمل كده أو معملش هنختلف لأني مكنتش موجودة، وعشان منختلفش أنا بقول أنه بريء وأنت بتقولي أنه مدان”، لتقاطعها شاليمار بانفعال، قائلة: “بصي لو حتبدي بأدانة لاي طرف من الاطراف غير عمر سأضطر لاقفل التلفون، بصي انتي ببداية الكلام بتخبطي بالمباحث والنيابة والقضاء، وانا سيدة سعودية احترم هذا الوطن العظيم #مصر، وهذا قرار #القضاء بعد شكي بعمر وبعد اتهامي وبعد ان احضروا عنتر وهم من اقروا انه مدان، لذا لو عندك اي اختلاف وجهة نظر ضد بلدك والقضاء المصري انا مش ممكن اتكلم معك في اي حاجة، ما ينفعش تقولي عمل او ما عملش، نقول عمل لان هذه هي القيقة وهو اخذ حكم بالسجن والمجوهرات كانت ببيته، يا بسمة انا مش عارفة انتي بتكلميني ليه؟ بعد كل الكلام الي قولتيه بالتزوير ، واني اديتك شنطة مجوهرات، انا ماعرفكيش عشان اديكي حاجة وماعرفكيش عشان اديكي شنطة”.
بسمة:” مين قال كدة؟”، شاليمار:” هذا الكلام موثق بالمحكمة، وخلال معرفتي بعمر طيلة 14 سنة، لا عمري قابلتك ولا عمري شفتك”، بسمة:” اقسم بالله اني لم اقل ذلك”،شاليمار:” لما تطلعي تقولي عمر بريء، وان خالد سرق، خالد يسرق مين؟ انتي جبتي السيناريو ده منين؟ برضو الموضوع ده قلتيه انتي وفلانه وفلانه طب انا عايزة اعرف اصل الموضوع ده، وانت اتهمتي خالد يوسف فعليا انه سارق”، بسمة:” انو ايه؟” شاليمار:” انو خالد حرامي انتي قولتي كده”، بسمة:” ماحدش قال ان خالد حرامي ابداً”،شاليمار:” ياشيخة بالمحكمة اتقال كدة”،بسمة:” ما طلعش من بوقي الكلام ده، راجعي الورق بتاعي”.
شاليمار:” طب حبيبتي يا بسمة انتي متصلة بيا ليه؟”،بسمة:” عايزة اخلص الموضوع عشان عمر بموت”، شاليمار مقاطعة:” يرجع المجوهرات ويقول مين شريكه وانا حاضر حتنازل بس يقول ويرجع المجوهرات”، بسمة:” وليه بتقولي ان معاه شريك؟”،شاليمار:” مش معقول كمية الالماظات الي اتسرقت دي ياخدها عمر لوحده، دي تكفيه ليوم الدين، يعني لما يسرق رولكس وكارتية لازم في حد معاه عشان يخرج الحاجات دي من البلد”،بسمة:” بس المجوهرات رجعت”،شاليمار:” لاء في حاجات كتير ما طلعتش ياروح قلبي، والسلسة الشوبير والفضة الي طلعت من بيتو سيادتك”،بسمة:” اه اه، بس انتي اديتيهالو”، شاليمار:” وانا ادي راجل سلسلة الماظ حريمي ؟”، بسمة:” طب ممكن تسمعيني يا حبيبتي”، شاليمار بأنفعال شديد:” انا عايزة اعرف بتجيبي سيرة خالد يوسف ليه؟”، بسمة:” عشان بدافع عن عمر”،بسمة:” عشان تدافعي عن عمر تخربي بيت، اجبلك تاريخك واتكلم فيه يا بسمة؟ احكيلك عن قصص عنك كتير سمعتها من سين وصاد وعين وادبسك بحيطة عشان ادافع عن حد؟ المحكمة قالت انه حرامي”، بسمة:” طب ما تيجي نقطع كل ده ياشاليمار”،شاليمار بانفعال اشد:” نقطع ايه؟ اطلعي على الهوا وقولي انو اتقال على خالد يوسف كزا وكزا، وانهم دبروا له المؤامرة، روحي خلصي قصة خالد والادانه الي حاولو ان يلصقوها به، وانا اتفاهم معك، وعلى فكرة انا عاملة لخالد توكيل باملاكي بيع وشراء من عام 2014 باموالي وكل ما املك”،بسمة:” صح”، شاليمار:” آه صح، لانه رجل محترم مش حرامي ولا عندو قلة الادب الي اتقالت والسفالة الي اتقالت، انتي واحدة من المسؤلين عنها”، بسمة:” مش ممكن كل الكلام ده يتقطع؟”، شاليمار:” لا ما يتقطعش اطلعي قولي حقيقة المرامرة الي اتعملت على خالد يوسف، ساعتها اقعد معاكي”، بسمة:” مافيش مؤامرة”.
شاليمار بغضب:” بقولك ايه، انتي كنت قاعدة معاهم كشهود نفي ولما انتي ما تعرفيش مين اللي يعرف امي؟ اي الكلام الفارغ ده؟”،بسمة:” انا كنت رايحة لحاجة تانية خالص، رايحة اشهد مع شخص اعرف شخصيته”، شاليمار بغضب:” انتي زورتي قدام المحكمة وقلتي اني اديتك شنطة واكسسوارات”، بسمة:” ماحصلش”، شاليمار:” لاء حصل يا بسمة”، بسمة:” انا قلت اني اديت…”
شاليمار مقاطعة:” انتي بتدخلي بخالد يوسف ليه؟ انتي مالك ومالو، انتي قلتي انو بتاع افلام اباح.ية، طيب هو بتاع افلام، وبرضو ماجبناش سيرتك،وحاجاتك كتيرة وقصصك كتير واعرف كتير عنك، بصي يا بسمة انا لا احب فكرة خرق القانون وخرق الاعراض”.
بسمة:” دي طرطشة “.
شاليمار:” الطرطشة دي انتو عملتوها وانتو مسؤلين عنها”
بسمة:” لو تشوفي عمر عامل ازاي”.
شاليمار:” وانا عاملة ازاي؟ انا المجني عليها وانا المسروقة، وكتر الف خيرهم النيابة والقضاء المصري العادل وعشان كده مصر واقفة على رجليها، انتو قلتو على خالد يوسف كلام مسيء، يقولي عمر زهران على كل حاجة، وتنكشف المؤامرة على خالد يوسف ويجبلي المجوهرات، ساعتها اتنازل وماعنديش كلام تاني خلص الكلام.
