الموقع – مجلة الكترونية فنية شاملة elmaw2a3
حذر #المخرج_ أحمد _البنداري، من التعاون مع #النجم__ محمد سعد، بعد تراجع الأخير عن التعاون معه في فيلم جديد..وكتب البنداري، في منشوره عبر فيسبوك: “#فيلم الدشاش ده أصلا اسمه كعب داير، وترشح لبطولته نجوم آخرين.. يا ريتني كنت روحت لأي حد فيهم”.
واصل المخرج أحمد البنداري: “عن طريق صديق مشترك وديت الفيلم لمحمد سعد تحت اسم الحاوي وكان سعد ترشيحي رغم تحذير ناس كتير من التعامل معاه وكنت مصمم عليه وشايف الفيلم نقلة ليا وليه”..أوضح أنه جرى العمل على الفيلم لثلاثة أشهر مع المنتجين بالتوازي مع أعمال التصور البصري وشكل الشخصيات واللبس والديكور وطريقة الإخراج والمونتاج.وتابع “مش رايحين نهزر يعني، وبعد مكالمات ومواعيد كتير روحت لمحد سعد البيت أنا والمؤلف إللي بقاله كتير مستني فرصة من نجم المفروض إنه كبير، السيناريو كان عاجب سعد ومتحمس ليه خصوصاً إنه كوميدي دراما.. وكان في شركة كبيرة ومنتج كبير موافق على الفيلم بحذر طبعاً لسمعة محمد سعد مع المخرجين، لكن طمنته بأن سعد عاجبه الفيلم ومتفقين على الخطوط العريضة كلها وكان شرط سعد الوحيد أن المنتج مايعترضش على أجره الكبير،المنتج كلم سعد واتفقوا على أكثر من موعد لكن سعد لغى كل المواعيد لأسباب مختلفة، وفي يوم كلم المنتج وأخبره أن الفيلم مش عاجبه بسبب ضعف السيناريو،لما نجم المفروض كبير يقول لمنتج أن الفيلم اللي بقالي شهور مجننه معايا فيه أنه فيلم ضعيف ووحش هو قتلي فرصي مع المنتج، وده عكس كلام سعد تماما،كلمت سعد بعدها قالي نفس الكلام إن الفيلم مش عاجبه، بس الغريب إني اكتشف بعد كده إن الدشاش هو الحاوي مع مخرج تاني ومنتج تاني ليهم كل الاحترام و التقدير والتمنيات بالتوفيق..مع الفارق في نجم كبير جدا مش هقول اسمه روحتله بفيلم، شوفت منه صراحة ووضوح في اللي عاجبه واللي مش عاجبه وقاري الفيلم كويس مش حد قاري وحاكيله الفيلم ده غير التزام رهيب في المواعيد مع أنه حقيقي مش فاضي لحد آخر 2025 يعني ممكن مانشتغلش الفيلم ده أصلاً مع بعض لكن عرفني ليه الراجل ده محافظ على نجوميته بقاله 20 سنة تقريبا لأنه بيسمع للآخر وبيقرأ كويس وملتزم لأقصى الحدود،ده كان تحذير لأي صانع أفلام من التعامل مع محمد سعد من غير ما يكون مأمن نفسه ومجهوده 100%،المجهود والالتزام شرف الشغلانة دي، وعموما أنا بعد الموقف ده بدعي وبقول يا رب 5 مليون دولار ونبطل شغل”.
