عمر كمال يسأل الازهر:” فلوسي حلال او حرام؟”

أعرب #المطرب_ الشعبي_ عمر_ كمال، عن استيائه من الانتقادات المتكررة التي يتلقاها بخصوص مصدر أمواله ومدى قبول الله لأعمال الخير التي يقوم بها..وقال كمال في فيديو نشره عبر صفحته على #الفيسبوك: “تعبت نفسيًا من كلام الناس، وبطلب من شيخ من الأزهر يرد عليا ويريحني، إيه معنى، الله طيب لا يقبل إلا طيب؟ أنا بعمل الخير من غير ما أظهره للناس، ومع ذلك تعبت من الانتقادات اللي بتلاحقني،بساعد اللي عايز مساعدة، واللي سقف بيته واقع بصلحهوله، واللي عايز يتجوز بساعده، دايمًا بعمل اللي أقدر عليه، أنا شايل مسؤولية 50 أو 60 فرد، بين فرقتي والناس اللي شغاله معايا،اللي بيقول إن فلوسي حرام، أنا بستخدم الفلوس دي في أعمال خير.. إنتم عملتم إيه؟ لما حد يحتاج يغسل كلى مرتين أو تلاتة في الشهر، مين اللي بيوفرله الفلوس؟ انا عايز شيخ من الأزهر يرد عليا ويقولي إذا كنت غلطان ولا صح، لو غلط هبطل أعمل خير”، لافتًا إلى أنه يشعر بالتعب بسبب إن من حين لآخر حد يقول له “الله طيب لا يقبل إلا طيب، وإن ربنا مش هيقبل مني عشان فلوسي حرام،أنا واحد من وسط ملايين، شايل مسؤولية عيلتي والناس اللي شغالين معايا، وبوفر العلاج لكل اللي يحتاج، أتمنى إن المجتمع كله يبقى زي عمر كمال، ويساعد الآخرين، عشان محدش هيبقى فقير”.