كارمن لبس:” المجازر بحق لبنان موثقة وحكام العالم ما عم يعملو شي!!”

نشرت النجمة #كارمن_ لبس مقطع فيديو عبر الانستغرام قالت فيه: “إنتِ منيحة؟ هيدي رسالة بتوصلني كل يوم بس ما بعرف شو قول، بقول الحمدالله، بس أنا منيحة؟ لا مش منيحة،كل الي حواليي مش مناح وكل شعب لبنان مش منيح، بس شو بيطلع شعوري قدّام شعور إم شهيد أو قدّام المنصابين أو قدّام عيلة خسرت بيتها أو انجبرت تترك بيتها أو قدّام عاملة أجنبية ما دخلها بالوضع كلو تخلوا عنها أصحابها بسبب الأوضاع ويحي مزروبة معنا هون.. شو بدو يحكي الواحد،كل الم.جازر الي عم ترتكبها اسرائ/يل موثقة وكل العالم شايفة وكل شعوب العالم ضدّها بس كل حكام العالم ما عم يعملوا شي… نحن قاعدين عم نتفرّج وناطرين وين رح نوصل ووين رح يوصلونا، بس أهم من كل شي لازم نكون إيد وحدة ويكون قلبنا عند بعض، وهيدا شي بيكبّر القلب الي عم نشوفو،نحن حد بعض ولازم نضلنا نتذكّر إنو الوطن أهم من كل شي حبنا للبنان أولا وهي مش أول مرة بتصير، كل مرة منوقع ومنرجع منوقف ومنرجع منعمّر، هي ضريبة #لبنان… وهيدا حبنا للبنان رغم كل مشاكله”.