مها احمد:” عاوزة شيخ او شيخة يدعموني ومش عايزة علاج الغلابة”

وجهت الفنانة مها أحمد، رسالة لمتابعيها عبر السوشيال ميديا بعد تعرضها للتنمر، مؤكدة أنها لن تقبل العلاج على نفقة الدولة.ونشرت مها، مقطع فيديو ، عبر حسابها على “تيك توك” قالت فيه: “أنا جبلة مش بيحوق فيا أي تنمر، وباخد برشام التناحة، وبسف على السفافين وأتمزج وأحب أطلعهم على المسرح،شغلي على وعلى أي برنامج مش هسيبه طول ما فيه فلوس مش هسيبه لأنك مش هتنفعيني يا عين أمك،مش هينفع أروح أتعالج على نفقة الدولة مع إني فنانة ومن حقي، بس ساعتها هتتنمروا وتقولوا دي بتاخد دواء الغلابة وأنا مش عايزة أخد دواء الغلابة.. عايزة أعالج نفسي بنفسي..عايزة أعمل علاقات مع الداعمين من برة.. يمكن أسافر أشتغل برة أو يمكن شيخة من الشيوخ تشوفني تشغلني عندها .. ليه لأ، عندي طموح أروح أشتغل عند الناس برة بس مشتغلش هنا، عشان انتوا متنمرين ومش هتقولوا دي ست بـ 100 راجل وبتشتغل،انا من الدرب الأحمر، من الحلمية والسيدة عائشة والسيدة زينب، وأهلي نصهم مقاولين وصنايعية ونصهم وزراء وضباط، يعني أنا مخلطة، أبويا مقاول وكان بيأكلني في القصعة، فأنا متربية كويس أوي أعرف أمتي أرد أزاي أخد حقي..مش هينفع أتعالج على نفقة الدولة مع إني فنانة، ومن حقي لكن لو ده حصل هتتنمروا وتقولوا بتاخد دوا الغلابة لكن أنا عايزة أعالج نفسي بنفسي، وأعمل علاقات مع الناس الجامدة والداعمين الجامدين بره، يمكن أسافر اشتغل بره ويمكن شيخة تشوفني وتشغلني عندها ليه لأ، أنا عندي طموح أشتغل عند الناس بره مش هنا، علشان أنتم متنمرين، ومش هتقولوا دي ست بـ100 راجل بتشتغل وتكسب أنا هتفسح وهدلع وهكيدكم، وأنا قاعدة وأي مكان فيه شغل وفلوس أنا قاعدة”..وانتشر الفيديو على مواقع التواصل واليوتيوب بشكل كبير، مع تعليقات انقسم أصحابها بين المؤيد لها والمهاجم لألفاظها وطريقتها في الكلام، وعلق أحد رواد السوشيال ميديا؛ قائلًا: «لو حد معاه رقم تليفون الفنان مجدي كامل ينصحه بفصل الراوتر عن زوجته مها أحمد عيب ما يصحش كده»، وأضافت متابعة أخرى: «هل ده أسلوب توضيح وجهة نظرها ربنا يهديها هي وغيرها».