” كان بيقول الفاظ مينفعش تتقال”..ابنة سعيد صالح ترد على امال رمزي

ردت هند ابنة الفنان الراحل سعيد صالح على التصريحات الأخيرة التي أدلت بها الفنانة آمال رمزي عن والدها، خلال استضافتها في برنامج “تفاصيل”، الذي تقدمه الإعلامية نهال طايل عبر قناة “صدى البلد 2”..وقالت هند سعيد صالح في منشور عبر حسابها في موقع التواصل الاجتماعي فيسبوك: “يا مدام آمال، كلام حضرتك عن بابا وبطريقة غير مباشرة عن أمي ما بيعكسش غير طريقة تفكير ونمط أخلاقي بيقيس بالممتلكات، مين عنده كام ومين اشترى ايه ومين ابن مين، ما شاء الله ولا قوة إلا بالله ربنا يبارك له فيما رزق،أنا بحمد ربنا إني بنت راجل محبوب من جمهور أغلبه ماشافوهوش وجهًا لوجه ولا حتى عاصروه، وكل اللي بينهم وبينه ضحكة رسمها على وشوشهم في يوم من الأيام، الجمهور ده ردها لبابا في ردهم على حضرتك، بشكرهم من كل قلبي وإن شاء الله يكون ربنا سخرهم للدعاء لبابا، هم ردوا غيبة متوفي قبل ما يردوا غيبة فنان بيحبوه، بس أنا لسه ماردتش”.. وكانت آمال رمزي تحدثت خلال استضافتها في برنامج “تفاصيل” عن سعيد صالح قائلة: “سعيد صالح كان بيقول ألفاظ مينفعش تتقال قدام ستات محترمات وهزاره مش حلو، عكس عادل إمام كان محترم وذوق جدا واتجوز من ست محترمة، شتان بين ده وده، عادل إمام كان بيشتغل بجد لكن سعيد صالح كان بيروح يسهر ويكركر مع إنه كوميديان كبير”.