رامي صبري: ” بغني من 18 سنة.. ولا أحب تشبيهي بـعمرو دياب”

رد الفنان رامي صبري على موقفه من تشبيهه بالهضبة عمرو دياب، مؤكدًا أن الأخير ينتمي إلى جيل آخر غير جيله.وقال رامي صبري خلال تصريحات إذاعية: “أول ما اشتغلت قعدت فترة أسمع ده بيقلد عمرودياب ده عاوز مش عارف إيه، وأنا كنت أسمع من بعيد وأضايق من التشبيه هما بيعملوا كده ليه، هو أنا فعلًا بقلده؟ هو أنا شبهه؟ يمكن أنا متأثر بيه وأنا مش عارف، وعمرو دياب جيل تاني مش جيلي يعنى حتى لو في شبه مش أزمة.. فضلت طول أول خمس سنوات أخلي بالي أوي لو أنا شبهه في حركة الأيد وأركز في كل التفاصيل، وبقيت كده لحد ما ابتديت واحدة واحدة أحس إن الناس ابتديت تهدى في الموضوع ده لأن الناس مكنتش عارفاني في الأول ومتعرفش أنا بعمل إيه وأنا حقيقي ولا شوية وهمشي. أنا كنت بحاول أحافظ على شكل الأغنية اللي بقدمها حتى المزيكا أقول بلاش دي شبيهة لعمرو بقيت كده لدرجة إني خلاص داخل على 9 ألبوم ولسه مركز، والحمدلله أنا بغني من 18 سنة”.