الموقع – مجلة الكترونية فنية شاملة elmaw2a3
متابعة/ حسانة سليم
كشفت الفنانة بدرية طلبة رأيها في إمكانية دخول بناتها الوسط الفني، بجانب حديثها عن زواج ابنتها الثانية سلمى، التي تحتفل بزفافها حاليًا في أحد الفنادق، بحضور عدد من نجوم الوسط الفني.وقالت بدرية طلبة في حفل زفاف ابنتها: “أنا معنديش بنات تشتغل خالص، ولا تشتغل في التمثيل، لو إعلام ماشي.. لكن تمثيل لأ؛ لأن شغلانتنا تعب، وأنا عندي خلصي دراستك وعلى بيت جوزك..بقول لبنتي خلي بالك من جوزك ومفيش حاجة اسمها آخد شنطة هدومي وأروح عند أمي، الكلام ده بقى قديم، وأي مشكلة في الآخر بتنتهي، إحنا ناس مبتحبش مشاكل وبنتأنّى في مين اللي جاي لبنتنا.. أنا أم محمد وأم أزواج بناتي مش حما، وبقول لجوزها دايمًا خلي بالك من بنتي، وحطها في عينك، وحسيت أني كان ورايا مهمة وخلصتها النهاردة، اللي فرحان ليا ربنا يفرح قلبه، أنا عارفة أنكم بتحبوني، ويا رب اللي أنا فيه وفرحتي والموقف اللي أنا فيه ده تشوفه كل حبيبة ببنتها”.كما أعرب المؤلف مصطفى سالم، زوج الفنانة بدرية طلبة، عن سعادته الكبيرة بزواج ابنتهما سلمى، وقال :” أنا عايز مجلدات علشان أتكلم عن بدرية، هي الحنية والرقة وهي على الشاشة غير البيت خالص، هي عاقلة في البيت، هي إنسانة جميلة وربنا يخليها لينا..أنا اتجوزت بدرية وهي عندها 18 سنة، شوفتها على المسرح وقولت مش هسيب البنت دي، وبدرية بالنسبة ليا حاجة كبيرة أوي هي مش حاسة بيها، كل سنة وأنتِ طيبة يا أم العروسة، وسلمى مش محتاجة نصيحة وهي متأسسة.”
.
