ماجد الكدواني عن كريم عبد العزيز:” لو اداني بالجزمة حسامحو”

أعرب الفنان ماجد الكدواني عن تقديره لزميله النجم كريم عبدالعزيز، مؤكداً أن صداقتهما مستمرة منذ 24 سنة..وقال الكدواني خلال لقائه مع الإعلامي عمرو أديب في برنامجه الحواري بودكاست Big Time:”الحمدلله والشكرلله وربنا يديمها نعمة احنا أصدقاء بقالنا 24 سنة، ربنا يحمي الصداقة دي من العين .. إنسان جميل وقلبه صافي وهو دايمًا يقولي احنا فولة بس ماتقسمتش نصين..مراتي دايما بتقولي ربنا يبعد عنكم العين بس قولتلها حاجة .. كريم عبد العزيز ده لو في يوم زعل واتنـرفز وقــلع الجـزمة وإداني بيها هسامحه عشان ميبقاش الحسـد دخل بينا ، ويعلم ربنا وشهادة قدامكم لو عمل فيا أيه لا يمكن نفترق،أكتر حاجة بتعجبني في كريم الأمانة ، مصداقية ، عنده حتة من القلب للقلب، واحنا بنقعد نتكلم مع بعض كدة .. مرة قالي يا أخي أنا مش فاهم الناس بقت عاملة كدة ليه؟ هو احنا شكلنا غريب قدام الناس ليه؟ هي حاجة غريبة إن اتنين بيحبوا بعض لله في لله؟”.