مشيرة اسماعيل:” مخرج قالي عري كتفك وراجل هيعملك مساج وأنا محجبة!”

متابعة/ حسانة سليم

كشفت الفنانة مشيرة اسماعيل سبب غيابها عن التمثيل لسنوات، حيث كان آخر عمل شاركت فيه هو فيلم يوم من الأيام عام 2017، مع محمود حميدة ولطفي لبيب وهبة مجدي وإخراج محمد مصطفى وتأليف وليد يوسف.وقالت مشيرة إسماعيل في تصريحات صحافية:” اللي بيتعرض عليا دون المستوى وما ينفعش أقدمه، ومش شايفة أعمال ليها قيمة مش عارفة ليه كده؟.. مفيش حاجة تجذب ولا فيه عمل جماهيري، والمشكلة في الحالة الفنية وفيه حاجات بتتكتب كويس وتتنفذ وحش والعكس، وكتير بيكتبوا إني اعتزلت، ومش حقيقي، لكن اللي في سني كله قاعد في بيته لأن مفيش حاجة تنفعنا. واحد كلمني وعرض عليا مسلسل بقول له أنت عارف إني محجبة؟ فالمخرج اللي جمبه أو المنتج قاله قولها هتقدم مشهد هتعري فيه كتفها وراجل يعملها مساج في المستشفى.. هو ده ينفع؟ طيب أرد عليه أقوله أيه؟ أنا وجيلي واللي قبلي قاعدين في بيوتنا والأعمال مش في المستوى اللي نشتغله، وأنا مش بتاعة إني أكلم حد ودي حاجة خارجة عن إرادتي مين ممكن في مستوانا يكلم مخرج عشان يشغله؟ اللي بيجري على الدور ويعمل أي حاجة حر ما هو الأي حاجة موجودة، لكن جيلنا اتعود على حاجة تانية.”