هشام ربيع: “بوسي موقفتش جنبي لما دخلت السجن بسببها وطلقتها”

متابعة/ حسانة سليم

انفصل رجل الأعمال هشام ربيع والمطربة بوسي، بعد زواج دام عاما واحدا، وذلك بعدما تم حبسه بسببها لمدة 4 شهور، مشيرًا إلى أنها لم تقف بجانبه في محنته هذه..وقال هشام ربيع خلال تصريحات  صحفية حول هذا الانفصال: “حصل بالفعل الانفصال بيني وبين بوسي، وده بعد ما خلصتلها الموضوع بتاعها زي أي راجل مصري، وأي راجل مراته هتتعرض لابتزاز أكيد مش هيسكت، وأنا جبتلها حقها تالت ومتلت، وأي راجل مصري وحر مش هيسمح إن حد يبتز مراته.. إحنا من ساعة ما اتجوزنا والدنيا مش لطيفة ومش حلوة، والمشكلة اللي حصلتلي كانت بسببها واللي اتأذوا فيها كانوا ولادي ووالدتهم، ومحدش وقف جنبي غير أم ولادي وده اللي زعلني من بوسي، هي موقفتش جنبي خالص..ملقتش اللي كنت منتظره من بوسي، أنا اتسجنت بسببها أربع شهور وطبعا كانت قضية ملفقة، كانوا بيبتزوها وعايزين فلوس وأنا طبعا لن أسمح بده، فملاقوش قدامهم غير إنهم يعملولي مشكلة، وأنا ملقتهاش جنبي، فين الحب؟ أم ولادي كانت يوميًا بتنزل تتابع الشغل وتجيبلي أكل وهي في الآخر عيّلة عندها 30 سنة”.

بوسي تنفي انفصالها عن هشام ربيع

وعلى الجانب الآخر، نفت المطربة بوسي خلال تصريحات لها كل ما تم تداوله من أنباء انفصالها عن هشام ربيع، مؤكدةً أنها شائعات، من جانبه علق هشام ربيع على نفيها لهذا الخبر، قائلًا: “معرفش هي بتنفي ليه ممكن يكون إحراج أو حاجة”.