محمد رمضان:” بنشتري طيارات وبنسيبها لحد ما تصدي،قول لحكومتك طلع السلاح وروح حارب”

متابعة/ حسانة سليم

أثار النجم محمد رمضان ضجة بين رواد مواقع التواصل الاجتماعي عقب فيديو نشره تحدث به عن سلاح الدول العربية بتعليق على الأوضاع في غزة ، وانتقد رمضان في مقطع الفيديو محاولات البعض نشر الإستغاثات باللغة الإنجليزية حيث أوضح أنه لن يدافع عن العرب إلا العرب بجيوشها وأسلحتها ..وقال محمد رمضان في مقطع الفيديو الذي نشره على صفحاته بمنصات التواصل الاجتماعي: “ربنا يصبر أهالي الشهداء ويرزقهم الاستقرار والنصر القريب ان شاء الله، كم الرسائل التي تجيني ونزل حاجة وعايزين صوتنا يوصل، يوصل لمين؟ عايزين صوتنا يوصل لمين برة بلادنا؟ صوتنا يوصل لبلادنا، بلادنا عندها جيوش وعندها أسلحة وبنشتري أسلحة وبنشتري دبابات وبنشتري طيارات وبنسيبها لحد ما تصدي وتترمي ونشتري غيرها حنستخدمها امتى؟ صوتنا يوصل لمين برة؟ احنا عايزين مين برة يدافع عننا؟ ده قمة الجبن وقمة عدم الرجولة لما نقول إحنا عايزين نكتب بالانجلش عشان برة يعرفوا ان نحن بنتضرب، وانت فين انت؟ فين بلدك وفين جيشك؟ صوتك يوصل لحكومتك قول لحكومتك طلع السلاح وروح حارب.. مين حيدافع عن عربي زيه زيك ما نقول كلام عاقل..”