“اشتكيت من ندالة زمايك وهنيدي مش حيشغلك تاني”.. هجوم على علاء مرسي

متابعة/ حسانة سليم

هاجم البلوغر الفني محمد شريف الفنان علاء مرسي عقب تصريحات الأخير بشأن فيلم مرعي البريمو والذي يشارك فيه مرسي مع الفنان محمد هنيدي بعد غياب التعاون بينهما لفترة طويلة ..حيث قال شريف :” ازاي ممثل يهاجم الفيلم اللي هو مشارك فيه، وهو لسه نازل في السينما من أسبوعين؟ لما تطلع تنتقد الفيلم بالشكل ده وهو لسه نازل في السينما يبقى أكيد حسبتها غلط.وأكيد محمد هنيدي وصناع الفيلم مش هيحبوا إنك تشتغل معاهم تاني.. انت كنت بتدافع عن محمد سعد وهو بيتهاجم بسبب تكراره للكاراكترات اللي بيعملها ومستوى أفلامه.. ده انت بتطلع في البرامج تشتكي من ندالة زمايلك في الوسط.. لما ممثل مشارك في فيلم يقول إنه لو اتعرض عليه الفيلم ده تاني مش هيعمله، يبقى بيصدر صورة سلبية عن الفيلم للجمهور.. مش مطلوب من الممثل يكدب، بس كان ممكن يسكت خالص أحسن، ويبقى يتكلم بعد رفع الفيلم من السينمات.. للأسف في ممثلين كتير في مصر مش بيعرفوا يقولوا ايه، امتى.. ماشيين بشكل عشوائي مالوش أي معنى”.