الموقع – مجلة الكترونية فنية شاملة elmaw2a3
وجه الإعلامي حسام مجدي معد برنامج نزار الفارس رسالة للنجمة حورية فرغلي ومساعدها الشخصي..كتب مجدي عبر حسابه الشخصي على الفيسبوك :” تابعت حلقة الفنانة الجميلة شكلا وموضوعاحورية فرغلي” مع الإعلامية ريهام سعيد .. وبشكرها هي والمساعد بتاعها أشرف محمد على كلامهم المحترم عني.. وزي ماهي قالت أنا احترمت المعد جدا لما كلمني بعد الإشاعة واعتذرلي .. والمساعد بتاعها قال أنا وافقت على الحلقة من البداية علشان خاطر حسام كلمني مش علشان حد غيره ، عايز أنتهز الفرصة وأقول لكل زمايلي الصحفيين أن الأسئلة اللي أزعجت حورية في الحلقة عن عقاب ربنا ليها وموضوع الرقص والخطوبة وتشغيل القرآن جوة الحلقة ..كلها حاجات مكتبتهاش جوة إعداد الحلقة واتفاجئت بيها أثناء التصوير .. وأكتر حلقة كنت حريص فيها على الضيف كانت حلقة حورية فرغلي وكنت حابب تكون حلقة تدعمها مش تهدها.. وكان بينا كلام على منتج عراقي فعلا تواصل معانا علشان ينتجلها عمل جديد بعد نجاحها المدوي في العراق بعد ساحرة الجنوب علشان كده بشكرها وبقولها “رب ضارة نافعة” وأسف اني أزعجتكم على مدار أسبوعين بموضوع أغلب الناس شايفين أنه لايستحق عناء الحديث فيه .. رغم اني بشتغل من سنين في صمت بدون ضجيج وتريندات مزيفة”.
الجدير بالذكر أن الإعلامي حسام مجدي واحدا من أبرز الصحفيين المصريين المشهود له بالمصداقية، كما يتمتع بالعديد من العلاقات الودية مع أغلب الفنانين بالوطن العربي، وحاور عدد كبير من النجوم والشخصيات العامة أمثال الشحرورة صباح والراحة مريم فخر الدين، الهام شاهين، رشوان توفيق، والماكيير محمد عشوب، شيرين عبدالوهاب، مي عمر، ياسمين صبري، السيدة جيهان السادات والمناضلة الجزائرية جميلة بوحيرد
