ميار لوفاء:” اخرسي انتي مذنبة”، ووفاء ترد:” لما انتي مهددة ليه ما عملتيش جواب استغاثة؟”

متابعة/ حسانة سليم

تراجعت الفنانة ميار الببلاوي عن تصريحاتها ودفاعها عن الفنانة وفاء مكي، بعدما شاهدت فيديوهات لشاهد عيان يروى تفاصيل واقعة تعذيب الخادمتين..ونشرت ميار الببلاوي فيديو من برنامج “صبايا الشمس” من تقديم الإعلامية ريهام سعيد للشاهد العيان وكتبت تعقيبا عليه: “اللهم لك الحمد ربنا ظهر الحقيقة من شاهد عيان وكده أنا كنت بانب ضميري على الفاضي سؤال إيه اللي بتعمليه ده يا وفاء أنا قلت إن فى موقف حصل لكن كده اتحسمت كفاية بقى ملقتيش حد تدوسي عليه غيري وتمثلي البراءة.. علشان أنا مش بتاجر بالموضوع ورافضه اتهم بأني بجري ورا تريند وأفضل ألف معاكم على القنوات والمواقع بالشكل المستفز دا أنا قلت شكوكي وموقف حصل الحمد لله أنه كان ولا هيقدم ولا يآخر سوال فين دليل برائتك دا أنا قلت للناس أنه حصل كذا فقط واللي حصل دا ملوش أي قيمة خالص بعد شهادة الشاهد دا وبعد ما قريت التحقيقات والتقارير قد إيه أنا كنت هبلة في كل مكان تكذبي وأنتي عارفة أنك مش مظلومة وأنا الحمد لله اتأكدت أنك مذنبه والحكم عين الحقيقة، كده لما جولي مكنوش جايين من عندها وكده المخدمتيه كذابة شاهد العيان ده ريح قلبي..اخرسى بقى وبرافوا يا ريهام هفضل أقول أنك أكبر وأصدق إعلامية فى مصر حسبي الله ونعم الوكيل فيكى لا وليكى عين تكذبي وتقولي أنك بريئة وقال كمان مش مسمحانى أخس بس مش مستغربة غير اتنين زميلاتي الإعلاميات ايه ده ايه كميه الحقد ده لو كنتوا تعبتوا نفسكم زي ريهام سعيد علشان توصلوا للحقيقة وتريحوا الرأي العام ومتفكروش في التريند تفكروا في مصداقيتكم اعلاميات للأسف مكنتوش سمحتوا بالي بتعمله وفاء أعوذ بالله اتعلموا من ريهام سعيد لأنها هتفضل باحثه عن الحقيقة اعلامية مهنية زي مابيقول الكتاب”.

وتابعت في منشور آخر:” يعنى البنت مشيت من عند وفاء خلصانة وهي اللي رمتها وأختها هربت تاني يوم يبقى كلام الشاهد مظبوط يا ناس ويبقى البنات جولي قبل مايروحوا عندها وكمان أنا لو كنت قلت اللي أنا كنت فاهماه غلط ساعتها كنت هتحاكم زى الفنانين اللي اتهموا بالشهادة الزور وفعلا ولا كان كلامي هيقدم ولا يأخر طيب ليه الست وفاء مطلبتنيش للشهادة ودا اللي اتقالي لو محامين وفاء شايفين أن فى أي ثغرة كانت طلبتني للشهادة.. بالنسبة لجزئية طلعت عينهم عشان أقول الكلام اللي عندي فأنا قلته مع أكبر إعلامية وفى قناة محترمه وبمنتهى الشفافية هل مطلوب مني ألف على كل القنوات والمواقع علشان أقول حاجة لا هي دليل براءة ولا معايا أي دليل خالص ولما شفت التحقيقات وسمعت شاهد العيان ربط الأحداث عرفت أني الحمد لله البنات نزلوا من عندي على وفاء مش العكس يعني واقعة التعذيب مؤكدة بعد ما كانوا عندي مش قبل وبكده يبقى الست مذنبة والمحكمة والمباحث والطب الشرعي لا غبار عليهم سبحان الله، مش حق وفاء اللي رجع حق البنتين اللي شافو قمة العذاب وربنا يفكها من رقبتي أنما الأستاذة وفاء واللي طالعه في كل مكان تشوه صورتي وتبين أني كتمت شهادة كاذبة وبينى وبينها القضاء العادل”..وقالت وفاء مكي خلال استضافتها في برنامج “ملفات”، الذي تقدمه الإعلامية أميرة بدر عبر قناة هي: “معنديش حاجة أقولها غير عوضي عليك يارب، من 23 سنة وأنا في عز مشكلتي ميار الببلاوي بعتت لي جواب وقالت دليل براءتك معايا، وهقف جنبك وأشهد معاكي، وبقيت أناشدها وأتوسل إليها تعالي قولي كلمة الحق بما يمليه عليكي ضميرك”..

وأضافت أن الفنانة هند عاكف كشفت لها في فترة ترشيح نفسها للنقابة أن ميار الببلاوي اتصلت بها في أحد الأيام، وأخبرتها بأنها تملك دليل براءتها من قضية تعذيب خادمتيها، لكنها تلقت تهديدا بذبح ابنها إذا شهدت معها في القضية، وطلب منها زوجها اللحاق به في سوريا، وأطلعها على جواب التهديد، ومنعها من العودة إلى مصر إلا بعد انتهاء القضية، وهذا ما كشفت عنه ميار مؤخرا.. ووجهت وفاء مكي سؤالا لميار الببلاوي قائلة: “لما ضميرك بيوجعك وخايفة على ابنك، ليه لما رجعتي لم تتوجهي للنقابة وكان موجود الفنان يوسف شعبان، أو للمسؤولين وقولي أنا مهددة، ولما عملت استغاثة في ديسمبر اللي فات وقلت أنا مش لاقية مصعبتش عليكي”.