الموقع – مجلة الكترونية فنية شاملة elmaw2a3
متابعة/ حسانة سليم
كشف الفنان بيومي فؤاد عن تعرضه للغدر على حد وصفه من جانب المنتج محمدالسبكي، بسبب قيام الأخير بإعطاء فيلمه “مطرح مطروح” لفنان آخر يقوم ببطولته وهو النجم محمود حميده، وقال خلال استضافته في برنامج “انا والقناع” مع الإعلامية منى عبد الوهاب: “اللي حصل إنه اديتله فيلم، ده بتاعي وناس جامدين وكتار جدا طلبوا مني يعملولي الفيلم ده وأنا فضًلت محمد السبكي ورحت اديتهوله، المؤلفين اشتكوا إن الأجر مش عاجبهم، فأنا اديتلهم من معايا علشان يمضوا .. بعد ما خلصنا كل الحاجات، مضى المؤلفين التنازل وغدر بيا وجاب الأستاذ محمود حميده يعمل الفيلم” ..مضيفا حول ما تعرض له بسبب ما حدث معه: “لما سمعت الخبر ضغط عيني وصل لفوق ال 50، والمفروض الطبيعي 20، كان هيحصل انفجار في عيني ورحت لدكتور وعلى طول قالي لازم نفتح عمليات حالا .. حسبي الله ونعم الوكيل .. أنا كنت صديقهم جدا وكنا حبايب” .
