الموقع – مجلة الكترونية فنية شاملة elmaw2a3
متابعة/ حسانة سليم
علقت النجمة زينة على تكرار اسم المخرج محمد سامي 6 مرات على تتر مسلسل “جعفر العمدة”، الذي يعرض في شهر رمضان الجاري.. وقالت زينة خلال استضافتها في برنامج “حبر سري”، الذي تقدمه الإعلامية أسما إبراهيم عبر قناة القاهرة والناس: “أنا شايفة إنه مبسوط بكتابة اسمه 6 مرات علشان عايز يرضي أمه، وطالما أمه مبسوطة إن شاء الله المرة الجاية يكتبه 10 مرات، مين أغلى من الأم علشان نرضيه، هو بيتعب 8 شهور في المسلسل، وكتب القصة وهو المؤلف والمخرج، ومسلسله ناجح ومكسر الدنيا، يبقى يعمل اللي هو عايزه، محمد سامي أفتكر له الخير، ولما كنت مش موافقة في الأول قاللي اعتذري ومتعمليش حاجة إنت مش مقتنعة بيها، وأنا شايف مكانتك أكبر من كده، وإنت جاية من نجاح جامد في مسلسل الليلة واللي فيها،كان عايزني أعتذر بأي شكل، لإنه عارف إني مترددة، لكن كلمت المنتج محمد السعدي وقلت خلاص معاكم، لإني كان نفسي أشتغل مع المتحدة ودي أول مرة”.. وردا على سؤال هل يوجد خلاف بينك وبين المخرج محمد سامي، قالت: “معنديش نقطة خلاف مع محمد سامي، لكن مش هشتغل معاه مرة ثانية، ممكن أشتغل مع مخرجين آخرين”.. واعترفت النجمة زينة بأنها غير راضية عن شكل أنفها، لكنها تخشى الخضوع لعمليات التجميل.. وقالت:”المخرج محمد سامي طول الوقت في التصوير يقوللي إعملي مناخيرك وعلى ضمانتي، لغاية ما قلقت منه،طالما ربنا إداني نعمة الصحة، ليه آخد بنج وأفتح حاجة في جسمي أو في وشي، وممكن أموت فيها زي ناس كتير، ليه أدفع فلوس وممكن مخرجش من العملية وأنا عندي ولاد، أنا راضية بكل حاجة في جسمي”.
