الموقع – مجلة الكترونية فنية شاملة elmaw2a3
متابعة/ حسانة سليم
هاجم المنتج احمد السبكي كل من الفنانات ريهام عبد الغفور وسهر الصايغ وروبي، بسبب اعتذارهم عن المشاركة في الجزء الثاني من مسلسل ” رمضان كريم”، واللاتي كن قد شاركن في بطولة الجزء الأول منه .. قال احمد السبكي في مداخلة هاتفية لبرنامج “حديث القاهرة” المذاع على قناة “القاهرة والناس”: “بيقولولي احنا بقينا نجوم منقدرش نعمل مسلسلات جماعية تاني لإن العمل الجماعي بالنسبالهم سٌبة،الاساتذة روبي وريهام وسهر اعتذروا، كنا عايزين نكمل بيهم بس اللي جبناهم أحسن منهم الحمد لله عملوا شغل أحلى والناس هتتمتع بالجزء التاني من رمضان كريم لإنه مطلب جماهيري، للأسف فيه قنوات ادتهم حجمهم وعملولهم بطولة لوحدهم مش عارف ليه، مش هما دول اللي يعملوا بطولة لوحدهم .. والقناة اللي مخدتش رمضان كريم الجزء التاني هتندم انها مخدتوش” .. وأشار احمد السبكي منتج المسلسل إلى أن” رمضان كريم2″ يضم 45 فنانا بين أبطال الجزء الأول وأبطال جدد، مستكملا: “احنا عايزين نمتع الشعب المصري”..
يذكر أن المسلسل يضم أبطال الجزء الأول، وفي مقدمتهم الفنان سيد رجب، وصبري فواز، محمد لطفي، نجلاء بدر، أحمد صيام، سلوي محمد علي، عمرو عبد العزيز وكريم عفيفي .. أما عن الأبطال الجدد المنضمين للعمل فمنهم الفنانين سلوى خطاب، ويزو، بيومي فؤاد، سامي مغاوري، بدرية طلبة، والفنان إسماعيل فرغلي.
