الموقع – مجلة الكترونية فنية شاملة elmaw2a3
متابعة/ حسانة سليم
أثارت الفنانة انتصارجدلًا واسعًا خلال الساعات الماضية، وذلك بسبب التصريحات الجريئة التي أطلقتها وجعلتها تتصدر حديث المستخدمين ومؤشرات البحث على غوغل.. وأكدت انتصار في تصريحات لها عبر برنامج “سبوت لايت” الذي تقدمه الإعلامية شيرين سليمان عبر فضائية “صدى البلد” أنها دائمًا ما تستنكر مصطلح السينما النظيفة، ولا تود الاعتراف به.. وقالت:”مش فاهمة جملة السينما النظيفة دي صحفي طلعها من غير ما يقصد، مفيش الكلمة دي وترجمتها مش موجودة وأتمنى أننا نبطل نرددها، في جمل ملهاش ترجمة في القاموس، لكن معدين البرامج بيستخدموها لأنها مادة ثرية وكلام كبير وهيعمل تريند، مع أن في موضوعات أهم ممكن نتكلم فيها، بدل النظيفة والمايوه، هو في مايوهات أنا نفسي أشوف فيلم فيه مايوه حتى لو رجالي، قعدنا نقول كلام بدأت الناس تتأثر بيه مفيش فيلم صيفي فيه بحر زي أفلام زمان في السبعينيات والستينيات”.. وعن تصريحها أنها لا تمانع أن ابنتها يكون لديها مشاهد قبلات في الأعمال الفنية قالت:” أنا مقولتش إن معنديش مانع إن بنتي تتباس في عمل فني، دا كان سؤال وليه إجابة طويلة واختصروها وكتبوها كده وفكرت أرفع قضية بس مكنش عندي وقت، و أنا قولت خلاص هو في حد بعد ما قال يندم، اللي يندم لما يكون قال حاجة غلط لكن لما يقول حاجة صح لازم يبقى قد الكلمة الصح اللي قالها وطالما أثرت يبقى الكلمة الصح وجعت اللي وصلتلهم”..
وفي وقت سابق أثارت الفنانة انتصار جدلًا واسعًا بسبب تصريحاتها عن التربية الجنسية حيث قالت عن تربية الأطفال: “التربية الجنسية في المدارس مهمة جدًا، عشان الأطفال مايطلعوش لما يكبروا يقتلوا بعض وهما في الجامعة، أو يغتصبوا بعض والبنت تبقى هبلة أو هو مش فاهم، أنا قلت لابني كل حاجة من ابتدائي”.. لازم نوعي الطفل ونفهمه الثقافة الجنسية وحدود العلاقة مع الطرف الآخر، عشان متحصلش صدمة مع أول واحدة تقول له لأ فيدبحها، أنا حكيت لابني كل حاجة من ابتدائي لدرجة إن مدرس جالهم في المدرسة يكلمهم عن الثقافة الجنسية وسأل مين عارف الكلام دا، وابني رفع إيده وقال له مامتي حاكتلي كل حاجة”.
