الموقع – مجلة الكترونية فنية شاملة elmaw2a3
متابعة/ حسانة سليم
كشف الفنان محمد الشقنقيري على حسابه على الفيسبوك عن تطورات الدعوى القضائية التي أقامها ضد الموديل رحيل التي ادعت أنه زوجها.. ونشر الشقنقيري صورة لحكم المحكمة، مؤكداً أنه حصل على حكم ضد الموديل، كاتباً: “أنا مرضتش اتكلم في المشكلة اللي حصلت إلا بعد ما القضاء يقول كلمته، وحقيقي شيء مؤسف جدا إنك تضطر إنك تاخد رد فعل عنيف كده مع أي حد خصوصا لو واحدة ست في قضية زي دي بس كمية الكذب والأفلام اللي اتعملت كانت أكتر من إن أسيبها من غير ما آخد رد فعل قانوني، أنا التزمت الصمت تماما ولجأت إلى القضاء ورفعت قضية من شهر 6 اللي فات وبعد تحريات النيابة والأدلة اللي قدمتها واللي بتثبت كذب ادعاء المتهمة تم تحويلها للقضاء وتم الحكم عليها وتم إثبات إن كل الكلام اللي قامت المتهمة بنشره هو كذب وتلفيق”..
وأكمل: “وللأسف برضه إني دي لسه أول قضية وهي إثبات كذب كل ما تم نشره على السوشيال ميديا ولسه المتهمة ستواجه 3 تهم أخرى و3 قضايا أخرى وهم الابتزاز والسب والقذف والتعويض، وحاليا مطلوب القبض على المتهمة من جهة تنفيذ الأحكام، لأن مافيش حد بيقول إنه متجوز بشوية صور، وطبعا ده غير إن المتهمة حكت حوالي 5 قصص مختلفة مرة قالت عرفي ومرة رسمي ومرة قدام مأذون ومرة قدام محامي وكل ده متسجل في تحريات النيابة، اللي بيتجوز لازم يكون في عقد أو أي ورقة لكن حد خرج مع حد كام مرة ده مش اسمه جواز، وأنا مغلطش في حق أي حد لا صورت حد وفضحته ولا شتمت حد ولا اتجوزت وأنكرت، وإذا كان في طرف حب يخرب حياتي بشوية كذب لما عرف أن أنا ومراتي رجعنا لبعض فدي مشكلته هو”..وكانت رحيل نشرت صورة، عبر حسابها الرسميعلى الإنستغرام، وعلقت عليها :” أعلن انفصالي نهائيا ورسميا عن محمد الشقنقيري وختامها مسك مع شوية تحابيش كدا، وسيبوني في حالي بقي كله ضرب ضرب مافيش شتيمة”.
