والد حسام حبيب لمرتضى منصور:” ابنك شمام وابني خلوق” وهل ضرب عادل حمودة الاعلامي عمرو اديب؟

متابعة/ حسانة سليم

فتح حسين حبيب والد الفنان حسام حبيب، النار على مرتضى منصور، رئيس نادي الزمالك، بعد هجوم الأخير على نجله “حسام” عقب إعلان عودته لشيرين عبدالوهاب..وانتقد حسين حبيب مرتضى منصور قائلا: «يامرتضي يا منصور مع اني بحبك وزملكاوي كبير بس مايبقاش ابنك شمام مع اني بحبه وتتكلم علي ابن الناس الخلوق وتقول عليه شمام مش عايز اقول ربنا يخدك عشان الزمالك من بعدك ها يضيع»..

وكان مرتضى منصور، هاجم حسام وشيرين بعد خبر عودتهما لبعض خلال حديثه عبر قناة “الزمالك”، وقال ساخرا: “عندنا خبر مهم النهاردة، أهم من أي حاجة، شيرين رجعت لحسام حبيب، يخرب بيت شيرين على بيت حسام حبيب على بيت عمرو اديب، هم من مؤتمر المناخ، حاجة النهاردة بشعة، ربنا يستر عالبلد، أهم من أي حاجة، شيرين رجعت لحسام حبيب“، وتساءل مرتضى منصور عن سبب اهتمام عمرو أديب بقضية شيرين عبد الوهاب منذ بدايتها، مشيراً إلى أن الإعلامي المصري وضع القضايا المحلية المهمة جانباً، وأصبح جل حديثه عن تفاصيل قصة حسام حبيب وشيرين عبد الوهاب، وقال: ”إنت مصري؟… البلد فاضية ليكم انتوا الاتنين؟… احترم نفسك.. هي مصر فاضية للشمامين؟“..

وكشف رئيس نادي الزمالك حادثة غريبة جمعته مع عمرو أديب أثناء حديثه غاضباً، وقال: ”إنت ناسي لما الصحفي عادل حمودة اداك على نفوخك؟ وجيت تعيطلي؟ نسيت؟ لما تجوزت شيرين سيف النصر؟“.. ووجه مرتضى منصور حديثه للنجمة المصرية شيرين: ”صعبانة علي شيرين، عيلة غلبانة، انتي بتلعبك بيكي كورة، انت القصة فلوسك، مرة أخوكي وأمك، ومرة حسام وأبوه، واحنا عمالين نتفرج، ده احنا اللي محتاجين دكتور نفساني دلوقتي، علشان نعرف الفيلم الهندي هيخلص إمتى؟