الموقع – مجلة الكترونية فنية شاملة elmaw2a3
متابعة/ حسانة سليم
كشف الفنان حسام حبيب تفاصيل عودته للفنانة شيرين عبد الوهاب بعد خروجها من المستشفى وتخطي أزمتها الصحية..وفي مداخلة هاتفية مع الإعلامي عمرو أديب ببرنامج “الحكاية” قال حسام حبيب ” شيرين اللي أقنعتني بالرجوع” قبل أن يقاطعه عمرو أديب ” طبعا هي زعلت دلوقتي وزغزتلك الزعرة بتاعة شيرين بتاع الحاجب ونص”، ليرد حسام حبيب “هتاكلني علقة بعد ما أقفل”.
وأضاف حسام حبيب ” احنا زي أي اتنين في الدنيا خناقتنا هبلة وعبيطة وزي أي أتنين في الدنيا، وحياتنا لما تبقى مفتوحة على الناس، هو اللي بيكبر المواضيع، والسوشيال ميديا، والناس اللي بتقول كلام متعرفوش، لكن إحنا بساط جدا، وخناقتنا زي أي اتنين في الدنيا، تكلمنا قبل ما نرجع، حطينا قواعد، كل واحد محتاج يركز في حياته، وحياتنا احنا الاتنين مع بعض تبقى مقفولة علينا، وحطينا كل واحد أهدافه، وإيه اللي كان مضايقة في التاني، قبل ما تحصل المشاكل دي كلها، وعدنا بعض كل واحد فينا هيشرف التاني، يبقى عايز التاني يبقى مبسوط بيه، وفي نفس الوقت حياتنا الخاصة دي لينا إحنا بس، مش لأي حد تاني، وأنا بحبها، أنا عاذر كل واحد خايف عليها، وهي فعلا عدت بأوقات صعبة، وأنا زعلان عليها، ومش هعرف أوضح لكل حد حاجة، وأنا مبحبش أدافع عن نفسي”..
وقالت شيرين عبد الوهاب: “تم كتب كتابي على حسام جبيب امبارح الساعة 9 بليل بحضور أقرب الناس لينا، أخواتنا وبطمن الناس عليّ وعايزة استغل الفرصة دي واقول اني بعتذر لحسام عن كلام صدر مني في يوم من الأيام”.. وعلق حسام حبيب على تصريحات شيرين قائلا: “أحنا حياتنا زي أي اتنين متزوجين، أحنا اتكلمنا قبل الرجوع واتفقنا على قوانين وقواعد، وحطينا مشاكلنا وحليناها ووعدنا بعض أن كل واحد فينا يخلي التاني مبسوط بيه، وحياتنا الخاصة لينا احنا بس”…
أعلنت النجمة شيرين عبد الوهاب عن تنازلها عن أي قضية رفعتها ضد شقيقها محمد عبد الوهاب، التي كانت أعلن عنها مؤخرا محاميها ياسر قنطوش.. وقالت شيرين عبد الوهاب: “أشكر محمد السيد عبد الوهاب، لأنه عرفني على المستشفى، وهناك راعوني وعلموني أنام وأصحى مبكرا، وأشكر صحافة بلدي والوطن العربي، وسأتنازل عن أي بلاغات ضد محمد عبد الوهاب، لأن أنا شيرين المتسامحة، وهذا طبعي، ولا يمكن أن أرضى لأمي يوم واحد أن تبكي على مخدتها بسبب ابنها وابنتها، ممكن كان يحصل لي حاجة مش كويسة وربنا فدانا بما حدث”.
