الموقع – مجلة الكترونية فنية شاملة elmaw2a3
متابعة/ حسن الخواجة
اتهم الملحن والموسيقار محمد رحيم صناع إعلان دعائي يعرض خلال شهر رمضان الجاري بسرقة أحد ألحانه.. وعبر حسابه على الفيسبوك، نشر محمد رحيم مقطع فيديو يتضمن مقطع من الإعلان ومقطع من اللحن الأصلي الخاص به.. وعلّق رحيم على الفيديو قائلاً: “ وكالعاده وزي ما أنا متعود كل سنة ألاقي في رمضان لحن من ألحاني نازل في أحد الإعلانات والمسلسلات بدون استئذان أو تصريح مني أو من الشاعر والمرادي الضرر كبير جدا لأنه تم سرقه لحني ووضعه في واحد من أكبر الحملات الدعائية إعلان واللي بيغنيه قطبين كبيرين من أقطاب الأغنية العربية الفنان محمد محمد منير والشاب خالد”.
وأضاف الملحن والموسيقار: “الغريبة إن النحت والاستخفاف بحقوق المؤلف والملحن خلوا القائمين على العمل يقنعوا الشاب خالد يغني جملة اللحن اللي كنت عاملها للمطرب الكبير المنافس له (الشاب مامي) من سنة 2007 يعني من 15 سنة بدون الرجوع ليا ولا لورثة الشاعر عبدالعزيز عمار شاعر الأغنية الأصلية الله يرحمه وإزاي انتوا مستخفين بالقوانين كده؟؟”.. وتابع: “وازاي انتوا ناس مجردين من المهنية ومش بتحترموا ولا الجمهور ولا الزملاء ؟؟ وازاي انتوا بتسرقوا الأعمال في وضح النهار، وكأنكوا واثقين إن مفيش حد هيعملكوا حاجة ولا حد هيعاقب اللى سرق واعتدى والله العظيم حرام مجهود السنين يترمي على الأرض كده قدام عينين الواحد وهو حي يرزق إيه الاستخفاف والاستهانة دي، كنتوا هتخسروا أيه لما تفهموا بتوع البنك إن انتوا مستعملين ألحان من ناس مختلفة والألحان دي ليها أصحاب وكنتوا تواصلتوا بشكل محترف ومحترم علشان تحصل على تصريح قانوني باستعمال اللحن وتعفي نفسك من السرقة يا فنان ويا جهة الإنتاج وتعفي إدارة البنك من تهمة التعدي على أعمال الناس بالعكس كان هيبقى سلوك محترم واحترافي واخلاقي!! بس أنا واثق في ربنا سبحانه وتعالى ثم في القضاء المصري إنه هيرجعلي حقي وحق الشاعر المرحوم عبدالعزيز عمار اللى بجد أولاده أولى بفلوس أبوهم اللي شوهتوا وحرفتوا كلمات أغنيته بعد ما رحل من 10سنين، وزي ما أولاد كل حد فينا أولى بمجهود آبائهم اللى اجتهدوا وتعبوا علشان يعملوا أعمال ناجحة لسه بيتنحت فيها لحد النهاردة من أنصاف وأرباع الموهوبين والمشكلة الأكبر إن الملكية الفكرية دي بتشارك في الدخل القومي في كل بلاد العالم وبتؤثر في اقتصاديات الدول وكل العالم يعلم أهمية القوى الناعمة المصرية في شتى المجالات لكن للأسف فيه ناس لسه عايشة على سياسة القتل المعنوي والمادي للفنان والمبدع المصري حيا وميتا، وبعدين لما بتعملوا كده في اعمالي وانا عضو محترف في جمعية SACEM الفرنسية ومعايا شهادة الاحتراف الدولية وعضو عامل في جمعية ساسيرو المصرية للمؤلفين والملحنين وعضو عامل في نقابة المهن الموسيقية وأعمالي واضحة واسمي معروف الحمد لله ومسيرتي 25 سنة اومال تعملوا ايه في الملحن والشاعر اللي لسه بيبتدي وبيقول يارب أكرمني !!!؟؟؟؟إلى القضاء إن شاء الله يا أنصاف الموهوبين”.
