احمد فلوكس:” اصحاب ولا اعز يدعم المثلية الجنسية ووالدي لم يُعظم ترتر في الراقصة والسياسي”

متابعة/ حسانة سليم

وعن رأيه في فيلم “أصحاب ولا أعز” علق أحمد فلوكس خلال لقائه ببرنامج “حبر سري” الذي تقدمه الإعلامية اسما ابراهيم بقناة “القاهرة والناس”: “الفيلم كله غلط، ومعنديش مشكلة إن المشاركين يتعاطفوا مع قضية ولكن مينشروهاش لأنها مش عادي في المجتمع ولا في الأديان، مينفعش يبقى فيه محرمات في الأديان ونطلعها على الشاشة ونخليها مسموحات وأوصل فكر إن الجنسية المثلية عادي”.. وأكمل: “لا انتقد منى زكي لأنها ممثلة شاطرة ونجمة كبيرة وممكن خانها الاختيار في الفيلم، أنا كنت بغلط ومن اسوأ الناس اللى عملت كل الموبقات ولكن عمري ما عملتها على الشاشة”..

ولفت: “أبويا فاروق فلوكس اللي جزمته فوق راسي واللي بحترمه جدا ومفيش كلام إني قاطعته، لما عمل فيلم “الراقصة والسياسي” الرسالة بتاعت الفيلم إن فيه ناس بتقول أن الرقص حرام فالراقصة بترد عليهم وتقول أنا عايزة اعمل خير وانتوا رافضين، ودور ابويا مكنش هو القضية ومظهرش بشيء غير أخلاقي ومحدش عظم شغلانته اللي الناس بتستحقرها في الفيلم”.. يُذكر ان فاروق فلوكس جسد شخصية الشاذ “ترتر” بفيلم الراقصة والسياسي للنخرج سمير سيف.