الموقع – مجلة الكترونية فنية شاملة elmaw2a3
متابعة/ حسانة سليم
كشفت الفنانة اللبنانية نور، عن شعورها بعد إنجابها لطفلين وكيف تغيرت شخصيتها بعد الزواج و الأمومة، وتحدثت عن سبب عدم ظهور أولادها برفقتها عبر مواقع التواصل الاجتماعي، وقالت إنها أصيبت باكتئاب بعد الولادة مباشرة بسبب الشعور بالمسئولية.. وقالت نور خلال لقائها مع الفنانة إسعاد يونس في برنامج صاحبة السعادة: “أنا اتغيرت كتير من بعد الخلفة والشغل، وكنت بتكسف جدا جدا بس بدأت أتعود وأكون اجرأ، وأول سنة أمومة كانت صعبة، وكان عندي اكتئاب بسبب المسئولية والحبسة ومفيش أجازة من المسئولية هو مش فيلم نخلصه ونرتاح، دا طفل مسئول منك 24 ساعة.. وبعد كدا اتعلمت واتمرنت ولما خلفت تاني كنت فاهمة كل حاجة ومكنتش بحب أسيب ابني لحد ولا ماما ولا أي حد، ومرة صعبت عليا نفسي أوي ومكنش فيه حد بيساعدني واتبهدلت كتير”.
وأضافت نور: “مبحبش أعرض أطفالي على السوشيال ميديا هو مش عيب بس بحس أنهم صغيرين على الشهرة وأنا عايزاهم مشهورين عشان حاجة هما عملوها مش عشان أهلهم وأنا والسوشيال ميديا مش أصحاب أوي، وابني ليو بيحب الشهرة وعشان كدا مش بفتحله السكة دي وبراقب كل حاجة بيعملها.. ليو ابني شبهي جدا هو صريح ومش بيخبي أي حاجة ومش بيعرف يجامل وأنا كدا أنما بنتي واخده من باباها جدا وبتتكسف وخجولة ومش بتحب الشهرة ولا تحب تبان وبتشتغل بضمير وبتوصل للي عايزاه، وأنا بربي ابني زي ما بابا رباني وبعلمه يعتمد على نفسه وياخد قراراته بس بردو لازم ياخد رأيي الأول.”
أما عن حياتها الشخصية، أكدت الفنانة نور، أنها ست بيت عادية، وأثناء وجودها في المنزل لا تقف أمام المرايا لوضع المكياج، ولفتت إلى أنها بعد دخول نجلها المدرسة كانت تقوم بتوصيله لـلسيارة الخاصة بالمدرسة، دون وضع أي ميك أب، وبالملابس المنزلية.. وكشفت نور، إنها تحب أكل المحشي قبل تصوير أي عمل فني لها، مشيرة إلى أن فريق العمل في كل مرة خلال التصوير كان لديهم حالة من الاستغراب بشأن ذلك.
