متابعة/ حسانة سليم
حلت انغام منذ قليل، ضيفة على برنامج سهرانين الذي يقدمه أمير كرارة على قناة ON، وقالت أنغام خلال الحلقة : “أغنية شنطة سفر كانت نقطة تحول في حياتي ونجاحها كان بسبب إن كان هناك شباب كتير بتحب السفر والهجرة في هذة الفترة، والشاعرة كتبتها لأخوها، والمنتج اللي عملي الألبوم ده اتوفي قبل ما أصور أي فيديو كليب فالموضوع تأجل، ووقتها فقدت الأمل”.
واستكملت : “بالصدفة مدير التصوير هشام سري عرفني علي المخرج عاطف الطيب ووقتها كنت بتمني يكون هو المخرج، وقولت لهشام إن أغنية شنطة سفر لو أخرجها هتكسر الدنيا. وبالفعل ده حصل وكنت محظوظة بوجود طارق لطفي، ووقتها بعت عربيتي عشان أعرف أنتج الفيديو كليب ده والحمد لله جبت عربية أحسن بعدها، والناس حبت الأغنية جدًا”.