يعيش على المساعدات.. جمال صالح يطلب نقله لدار المسنين واشرف زكي يستجيب

تحدث #الفنان_ جمال_ صالح، عن سبب غيابه عن الوسط الفني لمدة 15 عامًا، مؤكدًا أنه لم يعتزل #مجال_ الفن، لكنه لم يعرض عليه أي عمل فني خلال الفترة الماضية، وليس لديه أي مصدر دخل آخر..وقال:” معتزلتش الفن ولكن مفيش أعمال بتتعرض عليا ومعنديش مصدر دخل تاني غيره. الفن مرض بيصيب الإنسان، وغلطت لما اعتمدت عليه ومحاولتش أشوف مصدر دخل تاني، ودلوقتي العمر بيجري ومفيش وقت اشتغل أو أتعلم حاجة تانية، وحاليًا عايش على فلوس الخدمات اللي بقدمها والمساعدات، وبنتي مش بتسألني مش بتشتغل ليه”.. وناشد الفنان بضرورة نقله إلى دار رعاية المسنين، حتى لا يُشرد بسبب الظروف العصيبة التي مر بها في الفترة الماضية، حيث قال:” بطلب  من #الدكتور_ أشرف_ زكي إنه يدخلني #دار_ المسنين، أنا كلمت أصدقائي يكلموه بس محدش رد عليا، أنا لو دخلت الدار هرتاح وهلاقي ناس أتكلم معاها ومش هصرف فلوس، وممكن أفكر وأخدم الناس اللي هناك معنديش مانع.”، وعلى الفور استجاب أشرف زكي لطلبه جمال صالح، وقال :” جمال صديق عزيز وفي تواصل دائم بيننا، وفورًا سيتم نقله للدار بناءً على طلبه”..يذكر أن جمال صالح، بدأ مشواره الفني في منتصف الثمانينيات بدور صغير في فيلم “إنحراف”، الذي عُرض عام عام 1985 بطولة نور الشريف و مديحة كامل، ثم انطلق في مشواره السينمائي والتليفزيوني لتقديم أدوار ثانوية، من أبرز أعماله: “دموع الشيطان، وفيلم مهمة في تل أبيب، ومن أهم مسلسلاته، ليالي الحلمية، العمة نور”، وغيرهم.