الرابر محمود عبد الرازق:” اعتزلت والرب هداني وسامحوني”

أعلن الرابر محمود عبد الرازق اعتزاله الغناء، وأوضح أنه اتخذ هذا القرار في وقت كان على أعتاب خطوات مهمة في حياته، وشدد على أنه لا يقوم بهذه الخطوة للدعاية لأعمال جديدة..وظهر محمود عبد الرازق في فيديو نشره عبر حسابه على Instagram وجه فيه رسالة إلى جمهوره واعتذر لأي شخص كان قد أساء له في وقت سابق..وقال في الفيديو: “السلام عليكم إخواتي الأعزاء، أنا طالع أقول بكل بساطة إني الحمد لله قررت استغنى بالله عن الغناء والاستماع إلى الموسيقى بشكل نهائي، قرار صعب جدا سيبك من الابتسامة إللي على وشي يعني، أنا خايف جدا في كام سؤال مش قادر أفلت منهم وفي كام إشارة مش قادر اتجاهلها وخايف أكون من الذين ضل سعيهم في الحياة الدنيا ويحسبون أنهم يحسنون صنعا،الموضوع مرعب أوي ودا مش تسويق ولا حركة من الحركات إياهم معاذ الله، الواحد كان على أعتاب خطوات المفروض أنها مهمة بالنسبة للمجال ده لكن سبحان الله أنه هداني للقرار ده أكيد دا خير وربنا ليه حكمته واحتسبه عند الله أنه سيبدلني بيه خير، لو أي حد زعلان مني أنا آسف وأنا مسامح الكل وأشوف وشكم على خير”.