الموقع – مجلة الكترونية فنية شاملة elmaw2a3
متابعة/ حسانة سليم
تحدث الفنان بيومي فؤاد عن عدم وجوده في السباق الرمضاني 2024 غير بـ”مسلسل الكبير 8″، وعن أزمته مع المخرجة كاملة أبو ذكري، وحديثه عن السعودية.وقال في تصريحات تليفزيونية: أنا اترشحت في 6 أعمال في رمضان ومش هقول هما ايه عشان هتبقى قلة أدب.. وبقيت أخاف أزعل حد وبقيت حريص، وفي ناس زعلانه وأنا مكنتش عايز أكون موجود في رمضان كتير عشان مزعلش حد ومضيت مسلسل الكبير حصري وأنا تحت أمر مسلسل الكبير لأنه صاحب الفضل عليا”..عن حديث كاملة أبو ذكري عنه، أضاف بيومي: “معاتبتش كاملة أبو ذكري لأن ده رأيها وهي قررت أنها مش هتشتغل معايا.. أكلمها لما تقولي ايه اللي أنت عملته ده يابيومي؟ وحقي عند ربنا. الشيخ الشعراوي قال لما حد يظلمك متاخدش حقك بـ أيدك أقف استمتع وهو ربنا بياخدلك حقك بـ أيدك وأنا مستني حقي.. ومحبش أشوف اللي ظلمني بيتظلم قدام عينيا أنا غلطت واتسرعت في الفيديو اللي أنا عملته بس أنا راجل”..وعلق:”أنا كبير محمد سلام وأنا المرجع بتاعه، وكلمته لما اعتذر عن المسرحية وقالي أنا مش قادر أنت شايف الأطفال اللي بتموت.. وقولتله بدعي ليهم قبل ما بدعي لأولادي وده أكل عيش وفي ناس كتير بيوتهم مفتوحة من الحاجات دي.طلبت إني مقابلش محمد سلام في كواليس مسلسل الكبير 8، وفي مشاهد اتعاد كتابتها عشان منتقابلش.. وهو اتسبب في اللي حصل لـ محمد أنور ومطلعش دافع عنه، وأنا كنت محروق على محمد أنور.. اللي شتمني هنتقابل في المحاكم ومش هشتم حد.. وعشت أصعب 5 أيام في حياتي، كنت أنا ومراتي في السعودية وأولادي كانوا في مصر، واكتشفوا إن المقربين مننا بيشتموا فيا وده كان صعب علينا ، أنا فرحان إني عيطت.. وإحنا بتوع فلوس.. شالوا جملة أنا فنان مصري وليا الشرف.. بكرة هيبان الحق أي دفاع عن نفسي هيكون إدانة لـ محمد سلام”.
