الموقع – مجلة الكترونية فنية شاملة elmaw2a3
متابعة/ حسانة سليم
ردت النجمة سماح انور عبر حسابها الرسمي على الإنستغرام على تصريحات المخرجة كاملة أبو ذكري عقب استضافتها في برنامج حبر سري عن حذف دورها في فيلم يوم للستات، مشيرة إلى غضبها من الطعن في مهنيتها..ونشرت سماح أنور تسجيلا صوتيا عبر حسابها الرسمي وقالت: «في بيان اتطلب مني من فترة، كانت طلعت الأستاذة كاملة أبو ذكري اعتذرت في برنامج عن موقفها من حذف دوري في فيلم يوم للستات، الحقيقة شكرا مرسي، ولو أن أنا مش فاهمة الاعتذار ليه حالا دلوقتي، مع إن الموضوع بقاله كذا سنة، وأنا مشكلتي في الاعتذار حاجة واحدة، إن الأستاذة كاملة أصرت أنها تشرح الموقف بأنها تطعن في مهنيتي أنا ودا الطريق الوحيد، أنا بعذرها طبعا لأن هي معندهاش مبررات مهنية كافية أو منطقية تقولها،حكاية أني عملت حاجبي تاتو دي ولبسوني باروكة دا مكانش بناء على طلبي، أولا حواجبي مش معمولة تاتو، وهي جات مع المساعدين بتوعها والماكيير عشان يعملولي تيست وعملت حواجبي قدامهم وقالت هايل، والدور دا أنا بعمله من غير مكياج،أنا أرفض الطعن في مهنيتي أنا ست التزمت لمدة سنتين بخمس مشاهد كان ممكن يخلصوا في يومين تلاتة، تم تصويرهم على سنتين، وكانوا بيمشوني من غير ما أصور، وأخطاء كتيرة جدا تسبب فيها كاست الإخراج، ويليهم كاست الإنتاج،وكاملة أبو ذكري هي أولى بالاعتذار لنفسها، لأن هي السبب في هذه الأزمة، وهي لم تفي بأنها تقول حاجة أي حد يفهمها، لكن للأسف فشلت للمرة التانية أنها تتكلم بصدق عن الموضوع، وأنا عارفة أني كنت عاملة دور عظيم بشهادة المونتير،كاملة أبو ذكري فشلت فشلا ذريعا في الاعتذار المتأخر وملوش داعي لأن الخطأ أكبر من الاعتذار، وأن حد يشيل دور ممثل مهم من غير ما يقولولوا، أنا لقيت صحفي بيقولي احنا كنا في العرض الخاص بتاع يوم للستات هو حضرتك في الفيلم؟ لأن احنا ملقناكيش خالص في الفيلم”.
