حمو بيكا:” للقريب قبل الغريب.. انا شقيت وتعبت ومش متعلم وما تطلبش ببجاحة وقلة ادب”

متابعة/ حسانة سليم

قال حمو بيكا، في بث مباشر عبر صفحته الخاصة على التيك توك: “سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع إخوات والأب والأم وكنا قاعدين في أوضة وصالة والحمام جوه المطبخ، وأول مرة أقول الكلام ده واعذروني كنت قاعد في أوضة وصالة والحمام في المطبخ، وأبويا على باب الله بيسافر ويتغرب ويشقى علشان اللقمة اللي بناكلها بالحلال..أنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، ولما ربنا بيكرم بني آدم ويرزقه مش من فراغ، وما اتدولتش في بقي معلقة دهب وكنت بحب الخير لكل الناس ولحد الوقت ده”، وكشف بيكا عن صور له قبل الشهرة، حيث قال: “صوري دي تاج هشليها على راسي لحد وفاتي، وكنت راجل شقيان وتعبان وبدأت رحلتي وقلت أجرب اشتغلت وغنيت وجت معايا والناس حبتني لأن دمي خفيف، وأنتم اللي حكمتوا عليا أني دمي خفيف.”.. واختتم حمو بيكا تصريحاته قائلا: “عاوز أقول لكل واحد قريب ما تتصلش بيا تطلب مني شيء علشان أنت معاك اللي يديلك وبتطلب ببجاحة أنا مش هديك حاجة، هي الحاجة غصب ما تطلبش ببجاحة وقلة أدب، وخفوا شوية  أنا عملت سبوع بنتي إيه المشكلة في ناس بتعمل وبتجيب وبتتهادى بعربيات وألماظ هي الكحكة في إيد اليتيم عجبة؟”