الموقع – مجلة الكترونية فنية شاملة elmaw2a3
متابعة/ حسانة سليم
كشفت المطربة اللبنانية سارة الزكريا، تفاصيل التحقيق معها في نقابة المهن الموسيقية، مساء أمس، بعد اتهامها بالإساءة إلى المصريين خلال حفلها الأخير بالساحل الشمالي..وقالت سارة زكرياب عد منعها من الغناء في مصر، إنه تم التحقيق معها بسبب 3 اتهامات أبرزهما جملة “أنتو مبرشمين ولا أيه؟”، موضحة: “نقابة المهن الموسيقية برئاسة الفنان مصطفى كامل، سألوني إيه حصل بالظبط، قولت عندنا حفلة في الساحل وكان عليها إقبال كتير، وفي ناس كتير شهرت بيا وكان كله كذب، وقولت إن كان عندي حفلة في الساحل وكان في جمهور مصريين كتير وأجانب، كانت حفلة ناجحة، بالنسبة للألفاظ بشئ على المسرح، أنا قولت إيفيه لـ رضا البحراوي، وهو لو فاكر يا حياتي بعدك واجعنا تعالى وامسك في دراعنا، العالم اليوم بيحرفوا الكلام زي ما هما عايزين بالباطل، وده إفيه لرضا ومعروف، ولكن أنا ملفظتش بشيء ولكن لو الجمهور تلفظ يبقى أنا أتحمل ألفاظ الجمهور..أنا موصفتش الشعب أنه مبرشم، ولا يمكن أسيء لجمهور جاي يحضرلي، ولكن الحمدلله محبيني كتار وأنا عمري ما بوصف شعب، أنا بمزح مع جمهوري بقولهم أنتم مبرشمين ولا ايه بتتعاطوا مخدرات، أنا كتير بتحمل كلام على المسرح من مزح الجمهور وبعرف محبتهم لـيا، التحقيق كان بسبب برضو جملة (الكلب ابن ستين كلب) ده افيه وموجود في أغنيتي وهو الكلب ايه ما هو ابن كلب، ومقولتش لحد بعينه أنت كذا.استخدموها كإيحاءات جنسية ازاي، وكل الفنانين بيقولوها اشمعنى سارة؟، البرشام عندكوا اسمه حبوب، لكن عندنا العكس، أنا بعتذر للناس اللي مفكرة إن سارة جاية تهين شعب ومصر ولبنان إيد واحدة، ومستحيل أهينه، أنا مع قرار النقابة والعين مبتعلاش على الحاجب، والنقابة بتحافظ على الوضع الفني، والألفاظ، مبسوطة أن في نقيب جه لمصر زي مصطفى كامل ضبط الوضع شوية وبتنام وبتصحى تلاقي أغاني كويسة مفيهاش ألفاظ”..
واختتمت سارة زكريا، أنها تتمنى أن تتراجع النقابة في قرار منعها من الغناء، قائلة:” أملي كبير أني أرجع وبحترم قرارات النقابة، وبحترم أنهم عرفوني حدودي ووعوني، أني معملش كده تاني”.. وعن أسباب ارتدائها ملابس جريئة على المسرح، مما عرضها لانتقادات كثيرة خلال الفترة الماضية بسببها، قائلة إن المسرح يحتاج للجرأة حتى يتفاعل معها الجمهور. وتحدثت سارة الزكريا عن هذا الأمر معلقة: “كل مكان له ملابسه، الساحل مصيف والحرارة فيه مرتفعة، عكس القاهرة الطقس مختلف، ومفيهاش الرطوبة مش زي الساحل، الدنيا بتكون ملهلبة، والمسرح بدوا جرأة، إزاي أسيطر وأنا قدامي 10 آلاف شخص، لازم أكون قوية عشان أعطي من قلبي، حتى لو كنت تعبانة، تفاعل الجمهور معايا ومحبتهم ليا دايما هذا الشيء بيفرحني”.
