الموقع – مجلة الكترونية فنية شاملة elmaw2a3
فتحت المخرجة ايناس الدغيدي قلبها وروت العديد من الأسرار، ورأيها بكثير من الموضوعات، بجانب حديثها عن الزعيم عادل إمام وحالته الصحية، ورأيها في التحرش وإمكانية اعتزالها التمثيل.. وكشفت إيناس الدغيدي خلال لقائها على قناة الغد، موقفًا حدث بينها وبين الفنان الراحل أحمد زكي تسبب في خلاف بينهما، قائلة:” دايمًا بقول للنجم أنت مش نجم عندي أنت نجم عند الجمهور، ومرة أنا وأحمد اختلفنا في فيلم فيلم استاكوزا وحصل مشكلة كبيرة وكان الفيلم ممكن ما يكملش وهو كان في عز شهرته، وزعل ومشي من غير ما يقول لحد ولا قال للمخرج ولا المنتجة وأنا كنت مخرجة الفيلم ومنتجته، فقلت له نجوميتك تعملها على الولاد اللي في الشارع، أنت هنا مش أحمد زكي أنت الشخصية اللي بتلعبها وزيك زي اللي بيشيل الكاميرا ومدير التصوير والمخرج إحنا جماعة ومفيش حد مميز، اتعصب شوية وبعدها جه صالحني، وزعل أنه زعلني لأننا كنا صحاب وقال لي أنا مقتنع بيكي جدًا كمخرجة، ولكن عمل تصرف غريب في الأوضة لأنه كان له تصرفات غريبة وضرب روحه بالشبشب علشان زعلني”..
كما تحدثت إيناس الدغيدي عن الفنانة الراحلة سعاد حسني، وما إذا كانت انتحرت أم قتلت قائلة:” أنا أعرف سعاد حسني كويس جدًا، وسعاد ما اتقتلتش، لأن سعاد حسنى لا يمكن حد يقدر يقتلها لأنها كانت شخصية جميلة، وكانت بتاخد المهدئات من لما كان عمرها 44، بسبب الضغوط لأن أنا كانت مساعدة مخرج في فيلم حب في الزنزانة، ومتذكرة إنها كانت بتاخد مهدئات على طول، والمهدئات في الآخر بتؤدي إلى الانتحار، وهي نجمة كبيرة، لما تشوف إنها مبقتش نجمة وإن شكلها بقى كده والمرض عمل فيها كده، تنتحر، وإحنا ديمًا في الوسط السينمائي كنا نقول إن في اثنين هينتحروا في السينما، سعاد حسني، وأحمد زكي، لأنهم عايشين الحياة بلا تخطيط ومزاجيين جدًا، أحمد زكي مرض ومات، ونبوءة الوسط السينمائي تحققت في سعاد حسني”.
