الموقع – مجلة الكترونية فنية شاملة elmaw2a3
نشر النجم محمد فؤاد فيديو يكشف تفاصيل تعدي الطبيب بمستشفى عين شمس التخصصي عليه بسبب عدم علاجه شقيقه المصاب بجلطة..وقال محمد فؤاد خلال الفيديو: “الدكتور ده خطر على المرضى، أخويا جاي بجلطة والدكتور مش عايز يعمل حاجة بيشتمنا، محمد فؤاد قدامه وبيشتمنا لازم أعرف مين الدكتور ده.”..
وكشف مدير أعمال الفنان محمد فؤاد، ملابسات واقعة تعدي المطرب على أحد أطباء مستشفى عين شمس التخصصي،وقال: أخوه عنده جلطة الساعة 4 ونص جرينا على مستشفى عين شمس التخصصي، دخلنا على الطوارئ قالوا عنده جلطة في التقرير، وهيركب دعامتين.. ومحمد فؤاد بيقول للدكتور هنعمل إيه وبيحكي مع الدكتور، راح بصله من فوق لتحت قاله الحالة ايه مردش عليهّ؟.. فقاله هتعمل في أخويا إيه انت نايم ولا إيه؟ الدكتور قاله هات الأمن وخرجوا البني آدم ده برا.سحب التليفون من إيد محمد فؤاد، وقامت المشادة، وخرجنا من المستشفى ورحنا واحدة تانية وعمل العملية، والكلام ده كان الفجر النهارده، وبكره هنعمل محضر في النيابة بالواقعة كلها”.وأكد مدير اعمال المطرب انه سوف يحرر محضرا في النيابة غدًا ضد الطبيب الذي أساء له.
