الموقع – مجلة الكترونية فنية شاملة elmaw2a3
متابعة/ حسن الخواجة
روت النجمة هنا الزاهد كواليس الفترة التي صاحبت قرار انفصالها عن النجم أحمد فهمي، وكيف تمكنت من تخطي تلك اللحظات الصعبة بمساعدة أهلها.وقالت هنا الزاهد خلال لقائها مع الفنانة إسعاد يونس في برنامج “صاحبة السعادة” المذاع عبر قناة dmc: “أنا قلت أول ما يحصل ده هتضايق وأغضب، لكن منزلتش دمعة واحدة بعد الانفصال، عارفة لما تحسي موضوع انتهى وبقى حاجة قديمة وتعالي أعالج هنا، وقعدت أركز مع نفسي”.. وأشارت هنا الزاهد إلى أنها كانت منشغلة في تلك الفترة بتصوير فيلم “فاصل من اللحظات اللذيذة” بقولها: “كنا في آخر يومين تصوير، وهشام ماجد دخل عندي الأوضة وقال يا هنا إنت طول الفيلم عندك مشاكل ومش قايلة، وقلت له ده شغلي، وإنتو بتطلعوني من اللي أنا فيه”.. وأضافت: “عايزة أقول لأي بنت بتمر بحاجة زي كده أهم حاجة متبقيش لوحدك، خليكي مع عيلتك لإن عيلتك هتديكي الدعم، وأول ما حصل كده روحت علطول لعيلتي عند أمي وإخواتي وبقيت وسطهم، وتبقي مؤمنة إن ربنا فعلا بيعمل الخير، وكان عندي إيمان إن ربنا أكيد عارف حاجة علشان كده حصل كذا”.
