أول تعليق من البلوجر سارة محمد بعد الحكم بحبس المتسببين في فقدانها البصر

حكمت محكمة جنايات الإسكندرية بالسجن 15 عامًا لـ6 متهمين في محاولة الشروع بقتل البلوغر سارة، وقالت سارة محمد محمود، في تصريحات صحفية يعد جلسة النطق بالحكم:”كل المتهمين اتحكم عليهم بالسجن المشدد لمدة 15 عاما، وكان عددهم 6 متهمين واللي ضرب اتحكم عليه زي باقي المتهمين، واللي اشتروا منه السلاح حكم عليه بالسجن لمدة 5 سنوات.هما طلعوا علينا وضربونا وتم القبض عليهم من وقت الحادثة والقضية كانت شغالة طوال المدة اللي فاتت، والنهاردة تم الحكم فيها، والمتهمين كانوا مكونين تشكيل عصابي، وهما اعترفوا على نفسهم.. الكهربا في المخ عندي بدأت تقل عن الأول، ولكن أنا متخيطة 100 غرزة في دماغي، وده مأثر على حالتي الصحية وبيحصلى تشنجات وكهرباء على المخ، وحاليًا ماشية على علاج”..وتابعت البلوغر سارة محمد محمود: “خضعت لإجراء عملية في عيني في شهر نوفمبر الماضي، ولكن للأسف العملية دي أنا مشوفتش منها أي نتيجة لحد النهاردة، ولحد الآن أنا عاملة 4 عمليات في عيني ومفيش أي تحسن في حالتي الصحية، ولكن أنا بعمل اللي عليا، ومستمرة في العلاج وجلسات الأكسجين. الدكاترة بيطمنوني شوية، وإن حالتي محتاجة صبر ووقت، ولكن في دكتور أخبرني إني مش هرجع أشوف تاني أبدًا”.