الموقع – مجلة الكترونية فنية شاملة elmaw2a3
علّق نجوم لبنان على “مجزرة رفح” التي حصلت نتيجة القصف الإسرائيلي.وكتبت المطربة نجوى كرم عبر “اكس”: “ما شافت عيون البشرية أبشع من هيك إجرام !!!!… يللي بينادي بالإنسانية وحقوقها (خَرَجَ ولم يَعُدْ)!!! أو مش موجود أصلاً.. تحرّك يا عالم، حتى إذا إجا دورك شي يوم، مليحَك يشفع فيك”.وكتبت النجمة إليسا: “الصور والأصوات من رفح ما رح تروح من بالي. الانسانية ماتت مبارح وصرلها من ٧ تشرين ميتة. يا رب لو شو ما صلينا قليل وشو ما طلبنا ما رح يكفي. ارحم هالناس والاطفال وارحم فلسطين. شو هالاجرام، هيدي الديمقراطية يللي عم تصدروا للعالم؟”
كما كتبت الممثلة كارمن لبس: “يا الله فرجينا انتقامك من هالوحش الكاسر يلي مش عم يشبع قتل ودم الصورة من حساب”.
كما علقت النجمة هيفا وهبي: “يا رب ارحمهم ونجهم، ولا شعور ولا كلمة بيقدروا يوصفوا الي صار، حرام حرام. يا رب فرجينا انتقامك، قلوبنا موجوعة، قلوبنا مع فلسطين”.
وكتبت دانييلا رحمة: “أصعب موقف لما نكون رافضين واقع ظالم وعنيف بس ما حدا قادر يعمل شي! كم طفل وروح لازم يموتوا لحدا يتحرك؟! لو شو ما صار رح نضل نعلّي الصوت ونقول كفى إجرام بحق الأبرياء والأطفال لأنه ما بقى حدا قادر يتحمل!”.
بدورها، دعت النجمة ميريام فارس متابعيها على مواقع التواصل الاجتماعي لرفع الصلاة من أجل فلسطين، وذلك تفاعلاً مع أحداث مجزرة رفح، وكتبت:” خلّينا كلنا نوحّد صلواتنا ودعواتنا على روح الضحايا والأطفال الأبرياء، مثل ما هلق عم نعمل انا وجايدن”، مضيفة ميريام قائلةً: “يا ربي بشي أعجوبة توقّف اللي عم بصير”.
أمّا الفنان عامر زيان فكتب: “صباح الخير للجميع، بداية أسبوع جديد وأهداف جديدة ت نشتغل عليها، وأمنية وحيدة بالقلب… السلام والأمن والأمان!” وتابع زيان في تغريدة ثانية “الإجرام اللي عم نشوفو بحق الشعب الفلسطيني وأطفال فلسطين صعبة عقل بشري يتحمّلو. لازم الكل يصرخ صرخة إنسانية بوجه الإبادة اللي عم بتصير”.
بدورها، كتبت الفنانة كارول سماحة: “أنا قلبي احترق وما عم بقدر استوعب! اللّي عم نشوفوا مش مشاهد بأفلام هي مشاهد من الواقع حتّى العقل ما بيستوعب إنها حقيقة… شو بعد في أكتر من هيك م/جزرة وإجرام وإبادة حتّى العالم يتحرّك بوجه هالكيان المجرم؟”
