الموقع – مجلة الكترونية فنية شاملة elmaw2a3
متابعة/ حسانة سليم
كشفت الفنانة الكبيرة نجوى فؤاد، عن تفاصيل حالتها الصحية خلال الفترة الماضية، معربة عن استيائها بسبب تجاهل نقابة المهن التمثيلية لها وزملائها بالوسط الفني، بجانب الحديث عن علاقتها بالراقصة سهير زكي، والفنانة فيفي عبده..
أبرز تصريحات نجوى فؤاد مع سهير جودة
– مفيش حد من الفنانين ولا النقيب سأل فيا، بقالي 6 شهور بتعذب
– ماليش معاش والواحد ضيع عمره ببلاش
– إحنا خدنا ملاليم وهما بياخدوا ملايين، لازم يساعدوا الناس الغلابة
– الفنانيين يروحوا فين؟ فريد شوقي ورشدي أباظة ماتوا معندهمش حاجة
– ودلال عبد العزيز كسرتني، اتخطفت وكانت من أعز أصدقائي.
– أنا مبشتغلش من قبل كورونا بـ 4 شهور، واللي زودني موت سمير صبري ودلال عبد العزيز، مكنتش أقول آه إلا لما ألاقي دلال معايا.
– عمري ما كان في منافسة بيني وبين سهير زكي، وإحنا كنا أصحاب وطلعنا مع بعض في نفس الوقت، وهي وحشاني ونفسي أشوفها.
– فيفي عبده بتسلي نفسها بالفيديوهات اللي بتعملها هي حرة طالما مبتاخدش حاجة من حد، سيبوها تعيش تعبت وشقيت كتير، سيبوها ومالكوش دعوة بيها.
– هينري كيسنجر وزير خارجية أمريكا وصفني أني أحلى امرأة في الكون.
– أنا مش ممكن أتجوز حد من ديانة تانية، سامي الزغبي كان مسيحياً وبقى مسلم علشاني.
– الصديقة طلعت خاينة تتعوض، ولكن الزوج ده أنا حياتي اتهدت ده أسلم علشاني وخد الجنسية المصرية، كانت مؤامرة مدبرة لي.
