الموقع – مجلة الكترونية فنية شاملة elmaw2a3
متابعة/ حسانة سليم
كشفت الفنانة إنجي شرف، عن سبب اتخاذها قرار اعتزال التمثيل مؤخرا، وتحدثت عن المشاكل التي عانت منها فنيا في السنوات الأخيرة..وقالت إنجي شرف، في مداخلة هاتفية مع الإعلامية مروة صبري في برنامج “قعدة ستات” المذاع عبر قناة ألفا: “من 3 سنوات وأنا أفكر في قرار الاعتزال ومترددة، وكل ما يتم ترشيحي لعمل أقول ده ماتش اعتزالي، والسبب إن مؤخرا الأعمال التي تعرض علي أنا غير راضية عنها 100% وأقبل أحسن الوحشين، رغم إن في بدايتي كانت تعرض علي فرص أحسن بكثير في مسلسلات منورة،طول عمري مضحوك علي في الأجر، من ساعة ما بطلنا نشتغل تبع الحكومة في قطاع الإنتاج وصوت القاهرة، لما كان لنا أجر ثابت، مش كل مسلسل حد يقلل أجرك، ولما كنت مع العدل جروب من بدايتي، لكن العدل جروب بعد مسلسل حارة اليهود لم ترشحني لأي عمل، مش لازم أرفع سماعة التليفون وأترجى حد علشان أشتغل، أنا ممثلة وعضوة نقابة وعندي اسمي وتاريخ وأعمالي معروضة، ومتواجدة على السوشيال ميديا”..وتابعت: “فوجئت برد الفعل على قرار اعتزالي، وتلقيت العديد من الاتصالات أبرزها من الفنان أشرف زكي، وسألني عن جدية القرار وقال نقعد ونتكلم”..وأوضحت إنجي شرف، أنها قد تتراجع عن الاعتزال في حالة واحدة قائلة: “لما موقف الفن كله يتغير، ويكون في تقدير للمواهب الجادة، دلوقتي ممكن تشتغلي علشان جوزك فلان أو علشان عائلتك وكلها مصالح”.. وانتقدت إنجي شرف توجه المنصات الرقمية إلى الاستعانة بمشاهير السوشيال ميديا في الأعمال الجديدة، وخاصة القصيرة المكونة من 10 و 15 حلقة قائلة: “المصريين كلهم عايزين يغنوا ويمثلوا من ساعة ما طلع تيك توك، ودي حاجة غريبة جدا”.
