الموقع – مجلة الكترونية فنية شاملة elmaw2a3
متابعة/ حسانة سليم
كشفت وسائل إعلامية عن آخر تطورات الحالة الصحية للمخرج أحمد البدري وعن دخوله غرفة العناية المركزة وغيابه عن الوعي تمامًا..ونقلت مصادر صحفية مقربة من المخرج أحمد البدري بالقول: “لسه مستنيين الحالة تستقر ويخرج من العناية المركزة لغرفة عادية ووضعه الصحي مش أحسن حاجة وهو عنده مرض السكري وعامل دعامة وكان محتاج يعمل توسيع للشرايين أكتر من كده والدم مكانش واصل لرجله لحد ما وصلت لمرحلة عملت غرغرينا كانت هتسمم الجسم كان لازم يحصل بتر من فوق الركبة لرجله الشمال،روحنا المستشفى يوم الثلاثاء عشان يتجهز ويتحجز للعملية وعمل العملية يوم الأربعاء على الساعة 4 عصرًا وطلع من العمليات على الرعاية المركزة وكنت فاكر انهم هيظبطوله السكر والضغط ويومين تلاتة ويطلع لكن من خلال زيارتي له هو على أجهزة التنفس الصناعي ومش واعي وبروح له مش عارف مين أنا ومين اللي حواليه ومديين له أدوية مهدئة في المستشفى، الدكاترة قالو لنا أن الفترة دي حرجة شوية وربنا يستر ونعدي المرحلة دي بعد كده هيبقي فيه فترة علاج وربنا يكرمه ويركب طرف صناعي بس يعدي المرحلة دي عشان مرحلة حرجة”.
