جيني تتهم اكرم حسني بخراب بيتها.. امير طعيمة يرد:” طلقتها من شهرين واكرم مش طرف بالموضوع”

متابعة/ حسانة سليم

اثار منشور الفنانة(سابقاً) جيني زوجة الشاعر أمير طعيمة، جدلاً كبيراً بعدما اتهمت  فيه أكرم حسني بأنه السبب في خراب علاقتها بزوجها أمير طعيمة، حيث كتبت: “سبب رئيسي في خراب بيتي التفكير ده وصاحب الفكرة دي والقعدات اللذيذة اللي أنا رفضتها وهرفضها وبرفضها..ىأنا بيتي قائم من 16 سنة محدش لا زعزعه ولا قرب منه ودي نتيجة إنك تدخل ناس بيتك معاهم ناس بتسمم أفكارهم،استقرار بيتي فوق أي اعتبارات يا أكرم ولو أنت هديت بيتك لأسباب القريبين عارفينها، ما تسممش أفكار زوجي زيك ولو إنها خلاص انتهت.. يا رب تكون مرتاح أنت وهو.. أمير طعيمة حسبي الله ونعم الوكيل فيك أنت وهو”.. وخرج الشاعر أمير طعيمة، للرد على هجوم زوجته واتهامها للفنان أكرم حسني بأنه سبب انفصالهم، وكتب منشورًا على صفحته الشخصية بالفيسبوك ومن ثم قام بحذفه على جميع حساباته الشخصية، ولكن جاء المنشور الذي نشره كالتالي:” أنا منفصل رسميا من شهرين وكنت منتظر الإعلان الرسمي لحين الانتهاء من بعض الإجراءات القانونية، اللي كنت اتمنى إنها تتم بشكل ودي حفاظًا على مصلحة أولادي، ورغبة مني أن الأمور تتم بشكل يليق بعشرة سنين طويلة وللأسف لما ده ما حصلش الطلاق وقع.. وبما أن الهجوم منها دلوقتي على أكرم فعايز أقول التالي أكرم ملوش أي صلة بالطلاق، وبالعكس لما عرف من مدة إني هأخد الخطوة دي نصحني ما اعملش كده لمصلحة أولادي، ثانيًا كصديق وكفنان هو من أنضف الناس اللي اتعاملت معاهم وأشهد ربنا إني عمري ما شفت منه غير كل خير واحترام، ثالثًا أكرم مش طرف مباشر أو غير مباشر في الطلاق، طلاقي لأسباب أكيد مش مكانها الفيس بوك ولا تخص أحد غير الطرفين، ومفيش حد في الدنيا بيطلق إلا لأسباب تخصه، رابعًا أكرم ما عملش هاك لحسابها والكلام ده ربنا عالم إنه غير صحيح.. أنا راجل موجود في الوسط الفني بقالي 26 سنة، وأعتقد أن عمر ما حد سمع ليا حس ولا دخلت في مشاكل مع قريب أو غريب، ومكنتش أتمنى اكتب البوست ده بس بما أن الكلام طال ناس ملهمش ذنب وجب عليا تحمل المسئولية والرد.. ما زلت بتمنى ما اضطرش أرد في يوم آخر على هجوم آخر على أي شخص لمجرد إنه صديق وبيتعامل معي فنيًا.. ما زلت بتمنى من زوجتي السابقة ترك مساحة من الود عشان بنا أولاد وربنا بيقول: (وإذا طلقتم النساء فبلغن أجلهن فأمسكوهن بمعروف أو سرحوهن بمعروف) وده اللي بحاول فيه من البداية وهحاول فيه للنهاية، ربنا يهدي الجميع”