الموقع – مجلة الكترونية فنية شاملة elmaw2a3
متابعة/ حسانة سليم
أعلن السيناريست مدحت العدل إعادة إنتاج أوبريت “القدس هترجع لنا” و”الحلم العربي” في حفل بدار الأوبرا المصرية يقام يوم الأحد 29 أكتوبر..وقال مدحت العدل خلال لقاء مع ET بالعربي: “في ناس دايما تسألنا هو أنتوا هتقعدوا تغنوا؟ يا جماعة إحنا شغلانتنا نغني يا إما اللي بيخبز ميخبزش واللي بيروح للدكتور ميروحش، دي شغلانتنا بس إحنا المرة دي عاملين حفلة مذاعة على كذا محطة على الهواء وهنجمع تبرعات لأهلنا في غزة، هنعمل القدس هترجع لنا والحلم العربي وهيبقى في نجوم كبار هيغنوا أغاني عن فلسطين وهيبقى يوم الأحد القادم 29 أكتوبر في دار الأوبرا المصرية، أنا قدمت دعوة من خلال حساباتي والتليفزيون اللي عايز يجي يشارك أهلاً وسهلاً واللي عايز يجي وتمنعه الظروف هنجيب بديل له، أعتقد هشيل جزء منه مش هيبقى نفس الطول هو 17 دقيقة هختصر منه، هيبقى فيه شوية تغييرات تلائم روح العصر والإيقاع الموجود وإن شاء الله يكون ليه نفس التأثير”، كما سيقدم مدحت العدل بإلقاء أبيات شعرية وأيضا الشاعر جمال بخيت.
